Debleskri gili 145:1 - O Debleskro Lab 2024 (Sinte-Manouche)

¹ Kay gili kras o David te sharell lo o Debles. Me kamau tout te hadell, miro Debles. Tou hal o baro ray. Tout kamau me te sharell kanna oun hako tsiro.

O Debleskro Drom 2021 (Sinte)

¹ Kai gili kras o David te sharell lo o Debles. Me kamau tut te hadell, miro Debles. Tu hal o baro rai. Tut kamau me te sharell kanna un hako tsiro.

Debleskri gili 145:1 ပူးပေါင်းရင်းမြစ်များ

1. Familjakro liil 29:13

Maro Devel, mer parkrah men pash toute, oun sharah tiro raylo lab.

Debleskri gili 100:1

I gili, te parkras men pash o Debleste. Givenn o baro Debleske, t'mer lauter, kay han ap kay phoub!

Debleskri gili 118:28

Tou hal miro Devel. Pash toute kamau man te parkrell. Miro Devel, tout kamau me te sharell.

Debleskri gili 145:21

Miro mouy te sharell o baro Debles! Lauter, hoy djivella, mou sharell koles, kay kokres o čačo Devel hi, – kanna oun hako tsiro!

Debleskri gili 146:2

Yaake rah har me djivau, kamau o baro Debles te sharell. Yaake rah har hom ap kay phoub, kamau leske te bashrell.

Debleskri gili 149:2

Tou Israel, tiro dji mou bashrell pral koleste, kay kras tout. T'mer menshe dran Sion, givenn i barhtyatar pral t'maro baro rayeste.

Debleskri gili 30:1

I gili o Davidestar, te givenn le ap kol bare divessa, kay o Debleskro kheer kerdo vas.

Debleskri gili 30:12

Dran miro ropaskri gili kral tou mange i barhtyakro khelepen. Tou pandal mange ko gono tele, hoy miro ropaskro ripen his, oun čival barht har i ripen ap mande.

Debleskri gili 30:2

Me hadau tout, miro baro Devel, tou tserdal man pre, har me dour tele homs, oun moukal gar kolen pral mande te sal, kay mange čilačepen kaman.

Debleskri gili 34:1

I gili o Davidestar, hoy yob givas, har yob pash o Abimelek kras, har te vals lo dinelo, oun kova les krik tradas.

Debleskri gili 44:4

Yon lan o them gar dren pengre rharentsa, vitar gar pengri zoryah. Na-a! Kova kras tiri čači moussi oun tiri zoor. Tou hals pash lende oun dikal kamles ap lende.

Debleskri gili 45:1

I biyabeskri gili yekestar, kay hi dran i familya Korah. Koy gili hi o rayeske pral i gipangre, te givell pash o bashepen ap i shob-doryengri bashepaskri.

Debleskri gili 45:6

De tire fayle karye, te djan le an o dji kolendar, kay kourenn pen touha. Yaake perenna i vavar themma glan toute.

Debleskri gili 5:2

Baro Devel, shoun mire laba! Shoun, har me ap toute rovau!

Debleskri gili 5:3

De yak ap miri gole! Tou hal miro baro ray oun miro Devel, koles me mangau.

Debleskri gili 52:9

“Dikenn ko morshes! Kova čivas gar peskro patsepen ap o Debleste. Na-a! Yob patsas ap peskro baro bravlepen, oun leskro čilačepen kras les zorelo.”

Debleskri gili 68:4

Hi vavarčandes kolentsa, kay an o čačepen tardo hi: Yon venn barhtelo, stenn oun sanenn i barhtyatar glan o Debleste.

Debleskri gili 75:9

O baro Debles hi o khoro an o vast pherdo zoreli mool, hoy yob dren čoras. Oun i tsele čilače ap kay phoub hounte piyenn lat, bis te bouder kek mool an o khoro hi.

Debleskri gili 95:3

O baro Devel hi o pralstouno Devel, o baro ray pral i tsele debla.

Debleskri gili 96:2

Givenn leske, o baro Debleske! Sharenn les! Penenn i menshenge, te hi yob kova, kay lell vin dran o čilačepen.

Jesaja 38:20

O baro Devel his kova, kay las man vin dran o merepen. Oun mer kamah leske te bashrell ap i doryengre bashepangre an o baro Debleskro kheer hako dives yaake rah mer djivah.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.