Debleskri gili 144:4 - O Debleskro Lab 2024 (Sinte-Manouche)

⁴ Har i dourho hi lo. Leskro djipen djal trouyel har i souni.

O Debleskro Drom 2021 (Sinte)

⁴ Har i ducho hi lo. Leskro djipen djal trujel har i suni.

Debleskri gili 144:4 ပူးပေါင်းရင်းမြစ်များ

2. Samuel 14:14

Vell o tsiro, kay mer hounte meras halauter. Oun ham har pani, kay ap i phoub čoredo hi, oun hoy nay hadell kek bouder pre i phoubyatar. O Devel kamell gar o djipen krik te lell. Yob kamell gar te ačell kova, kay vas krik tradedo, ninna lestar krik.

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

Hiob 4:19

Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

Hiob 8:9

Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

Debleskri gili 109:23

Miro djipen nashella mandar yaake har o dives, te vell i rat. Oun me vau krik phourdedo har i stepaskro.

Debleskri gili 39:11

Me mangau tout: Le tiro vast mandar krik. Te deh tou man doureder, hounte merap.

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Debleskri gili 89:47

Baro Devel, har rah kameh tout gomme te khatrell? Har rah moukeh tiri rholi te rhačrell har i yag?

Sikepaskro 1:14

Me dikom halauter, hoy kerdo vas ap kay phoub, oun nay penau t'menge, halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 1:2

Phares te hayvell hi halauter, penas o sikepaskro, halauter an o djipen hi phares te hayvell.

Sikepaskro 12:8

Halauter hi čičeske, penell o sikepaskro, čičeske hi halauter.

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.