Debleskri gili 144:1 - O Debleskro Lab 2024 (Sinte-Manouche)

¹ I gili o Davidestar. Sharedo vell o baro Devel, kay rikrell peskre vasta pral mande. Yob sikrell mange, har te kourap man. Mire vastenge sikrell lo har te dap i rhareha.

O Debleskro Drom 2021 (Sinte)

¹ I gili o Davidestar. Sharedo well o baro Dewel, kai rikrell peskre wasta pral mande. Job sikrell mange, har te kurap man. Mire wastenge sikrell lo har te dap i chareha.

Debleskri gili 144:1 ပူးပေါင်းရင်းမြစ်များ

2. Samuel 22:35

Yob sikrell man, har mire vasta hounte kourenn pen, oun har miri moussi rikrell o sasterno bogo.

2. Rajengro liil 13:16

penas o Elisa ap leste: “Tserde o bogo tiro vasteha!” Oun yob tserdas les peskro vasteha. Oun o Elisa čivas peskro vast ap o baro rayeskro vast,

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 18:3

Baro Devel, tou hal mange har i baro zorelo bar, kay nay khatrau man, har i zorelo kheer, kay nay krell kek mange čilačepen. Miro Devel, tou hal kova, pash koleste nay vau oun man khatrau. Tire vasta rikreh tou pral mande. Tou hal ko zorelo ap miri rig, oun hal mange har i zorelo kheer pral ap i berga.

Debleskri gili 18:31

I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

Debleskri gili 18:34

Yob krell mire herya yaake sik, har te vans le i herya i vesheskri groumyatar, te vap zoreles tardo ap i pralstoune berge.

Debleskri gili 18:35

Yob sikrell man, har mire vasta hounte kourenn pen, oun har miri moussi rikrell o sasterno bogo.

Debleskri gili 60:12

Koon nay krell kova, har tou kokres, maro Devel? Tou moukal men oun djah gar vin mare lourdentsa an o kourepen.

Debleskri gili 71:3

Ab mange har i baro zorelo bar, pash koleste nay nashau oun man khatrau! Tou dal tiro lab, te vess ap miri rig. Tou hal mange har i baro zorelo kheer ap i barreskri berga, kay nay khatrau man.

Debleskri gili 95:1

Avenn, te givenn gilya o baro Debleske! Denn gole i barhtyatar glan leste! Yob hi maro rikepaskro, kay menge lauter mishto krella.

Jesaja 26:4

Doleske, rikrenn t'men ap o baro Debleste hako tsiro, O baro Devel, maro ray, hi har i baro zorelo bar, pash leste nay khatrah men hako tsireske.

Jesaja 45:24

oun penell mandar: “Kokres an o baro Debleste hi čačepen oun zoor.” Kolla, kay čingran ap mande, venna vi-ladjedo glan mande tardo.

2. Korintarja 10:4

An maro boudi o Debleske lah mer kek rharo an o vast, har i menshe ap kay phoub krenna. Na-a, o Devel dell men i zoor, te nay rakras yaake kol menshentsa, kay rhorheno koova pral leste patsenna, te dikenn le, kay kova, hoy yon yaake rah patsan, či moldo hi.