Debleskri gili 143:12 - O Debleskro Lab 2024 (Sinte-Manouche)

¹² Tou hal yaake lačo ap mande. Doleske le kolen krik, kay ap mande djan, oun mare lauteren, kay mange miro djipen phares krenn. Me hom tiro boudepaskro!

O Debleskro Drom 2021 (Sinte)

¹² Tu hal jaake latcho ap mande. Doleske le kolen krik, kai ap mande djan, un mare lauteren, kai mange miro djipen phares krenn. Me hom tiro budepaskro!

Debleskri gili 143:12 ပူးပေါင်းရင်းမြစ်များ

Debleskri gili 116:16

Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

Debleskri gili 119:94

Me hom tiro oun kamau te krap, hoy mange peneh. Doleske ab ap miri rig!

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Debleskri gili 54:5

Menshen, kay me gar prindjrau, kolla hadenn pen ap mande, depangre kamenn man te marell. O Devel hi len gar glan i yaka.

Debleskri gili 54:7

Tou deh kolen ko čilačepen pale, hoy yon kaman ap mande te anell. Sike mande, te hal mantsa, oun le len krik kay phoubyatar!

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

1. Samuel 25:29

Oun te hadell pes i mensho, te lell lo tout palla, oun kamell tout te marell, palle rikrell o baro Devel peskre vasta pral tiro djipen, yaake har yek i kouč bar an peskri possita khatrell. Kolla, kay kamenn tout te marell, lengro djipen vell krik vitsedo, har yek i bar krik vitsrella!

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.