Debleskri gili 141:5 - O Debleskro Lab 2024 (Sinte-Manouche)

⁵ Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

O Debleskro Drom 2021 (Sinte)

⁵ Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

Debleskri gili 141:5 ပူးပေါင်းရင်းမြစ်များ

2. Familjakro liil 25:16

Oun har o Debleskro rakepaskro leha yaake rakras, penas o baro ray ap leste: “Čivom me tout dren, te peness mange, hoy te krap? Rike tiro mouy, te kameh gar dava te lell!” Oun o Debleskro rakepaskro moukas tele oun penas: “Kanna, kay dikau, hoy kral, oun kameh gar te shounell, hoy touke penom, hayvau me, kay hi an o Debleskro dji, te marell lo tout.”

Debleskri gili 125:4

Ab lačo, baro Devel, kolenge, kay lačo hi, kolenge, kay o djiyestar ap toute shounenna.

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Debleskri gili 51:18

Fiche, hoy anenn le touke, kameh gar. Te vals yaake, doms len toute. Fiche, hoy touke rhačedo venna, krenn tiro dji gar barhtelo.

Gosewe laba 12:1

Koleske, kay kamell gosevo te vell, hi shoukar, te vell leske penlo, hoy lo gar mishtes kras. Kova, kay moukell pes či te penell, ačell dinelo.

Gosewe laba 15:22

Kova, hoy yekes an o shero hi, djal gar mishto, te poučell lo gar i vavarendar, hoy yon patsenna. Kote, kay boud menshe hi, kay denn pengro gosvepen pashel, kote djal mishto.

Gosewe laba 15:5

O dinelo shounell gar ap leskro dadeste, te dell lo les trad. Kova, kay shounell koy pre, hi gosevo.

Gosewe laba 19:25

Te deh tou yekes, kay pral halauter sal, palle venn kolla gosevo, kolen či an o shero hi. Oun te čingreh koleha, kay hayvell, hoy mishto oun gar mishto hi, palle hayvell lo gomme boudeder.

Gosewe laba 25:12

I gosevo mensho, kay trad dell, oun i kand, hoy ap leste shounell, kolla hi har i sonakaskri goustri oun i sonakaskri verkli troul i meen.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Sikepaskro 7:5

O mensheske hi feteder te shounell lo ap i goseveste, kay čingrell leha, har te shounell lo ap i gilya, kolentsa i dinele les sharenn.

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

Mateo 5:44

Me penau t'menge: Avenn lačes kolenge, kay hi čilačo ap t'mende! Mangenn o Debles kolenge, kay lenn t'men palla!

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!