Debleskri gili 140:9 - O Debleskro Lab 2024 (Sinte-Manouche)

⁹ De kol čilačen gar, hoy yon kamenna! Kova, hoy yon pen glan lan, mouk gar te djal, te hadenn le pen gar!

O Debleskro Drom 2021 (Sinte)

⁹ De kol tchilatchen gar, hoi jon kamenna! Kowa, hoi jon pen glan lan, muk gar te djal, te hadenn le pen gar!

Debleskri gili 140:9 ပူးပေါင်းရင်းမြစ်များ

Ester 5:14

Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Debleskri gili 64:8

O Devel dell ap lende karye. Sik hi le ap i phoub čiddo.

Debleskri gili 7:16

Yob hadas i rheb vin, hoy djas dour tele, oun peras palle kokres dren, – an koy rheb, hoy yob i vavareske vi-hadas.

Debleskri gili 94:23

Yob moukell lengro midjak koova ap lende pale te perell, oun dran lengro čilačepen marell lo len. Ava, maro baro Devel marell len!

Gosewe laba 10:11

Har i brounna dran kolate djido pani nashell, yaake hi i laba kolestar, kay an o čačepen tardo hi. Pal i laba i čilačendar hi lengro djoungelo koova khatedo.

Gosewe laba 10:6

O Debleskri barht hi čiddo ap koleste, kay an o čačepen tardo hi. An o rakepen i čilačendar hi lengro djoungelo koova khatedo.

Gosewe laba 12:13

O čilačo taprell pes kokres an peskre rhorhene laba. Kolla, kay an o čačepen tardo hi, venn vin dran i bibarht.

Gosewe laba 18:7

O rakepen o dinelestar anell les an i bibarht. Oun yob taprell pes kokres an peskre laba.

Mateo 27:25

Oun kol tsele menshe penan: “Koy doosh vell ap mende oun ap mare čavende!”