Debleskri gili 140:3 - O Debleskro Lab 2024 (Sinte-Manouche)

³ Kolen hi čilačepen an o dji, oun krenn čingepen hako dives.

O Debleskro Drom 2021 (Sinte)

³ Kolen hi tchilatchepen an o dji, un krenn tchingepen hako diwes.

Debleskri gili 140:3 ပူးပေါင်းရင်းမြစ်များ

1. Mose 3:13

Oun o baro Devel, maro ray, penas ap i romyate: “Hoske kral tou kova?” “O sap rhorhras man”, penas i romni, “yaake kay rhom.”

Debleskri gili 57:4

Dran o bolepen mou vell lo mange ap i rig, oun lell man vin dran o praasepen kolestar, kay man palla lell. O Devel mou sikrell man, te hi lo mange lačo, oun te rikrell lo pash mande.

Debleskri gili 58:4

I čilače peran o čačo dromestar tele, yaake rah har yon boldo van. Foun tiknes pre djan le i rhorheno drom.

Debleskri gili 59:7

Haki rat venn le pale oun nashenn čorrhanes troul o foro. Har djoukle denn le gole.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 23:32

O vavar dives djal touke yaake, har te dandrals tout i čilačo sap.

Gosewe laba 6:14

An peskro dji hidjrell lo čilačepen, oun hako tsiro anell lo čingepen.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Jeremia 9:3

Hakeno mou dell pes garda peskro malestar, oun ninna peskro phralestar! Yek phraal dell kol vavar phrales pral i kanda. Oun i maal rakrell djoungeles pral o vavareste.

Jeremia 9:5

Oun moukenn gar tele, te rikrenn le i vavaren tele, oun te rhorhenn le len. Man kamenn le gar te prindjrell, penell o baro Devel.

Ropaskre gilja 3:62

Tou shounal o rakepen kolendar, kay hadenn pen ap mande, oun hoy le pal o vast pral mande rakrenna o tselo dives.

Mateo 12:34

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.