Debleskri gili 136:1 - O Debleskro Lab 2024 (Sinte-Manouche)

¹ Sharenn o baro Debles! Yob hi kamlo! Leskro lačepen ačella hako tsireske.

O Debleskro Drom 2021 (Sinte)

¹ Sharenn o baro Debles! Job hi kamlo! Leskro latchepen atchella hako tsireske.

Debleskri gili 136:1 ပူးပေါင်းရင်းမြစ်များ

1. Familjakro liil 16:34

Sharedo vell o baro Devel! Parkrenn t'men pash o baro Debleste! Yob hi i lačo Devel. Leskro lačepen ačella hako tsireske.

1. Familjakro liil 16:41

Ninna ačan kote vi-rodede gipangre, kay pengro labeha pre kharedo van, te parkrenn le pen pash o baro Debleste, kay leskro lačepen an hako tsiro kay hi. Mank lende his o Heman oun o Yedoutoun.

2. Familjakro liil 20:21

Yob rakras pes i menshentsa tele, oun bičras gipangre, te djan le glan i lourdende, an-rido an pengre shoukar koola, oun givenn o baro Debleske koy gili: Parkrenn t'men pash o baro Debleste! Leskro lačepen hi an hako tsiro koy.

2. Familjakro liil 7:3

Oun i tsele Israelitarya dikan, har i yag dran o bolepen peras oun o baro Debleskro raylepen ap o kheer his. Oun yon djan ap pengre čanga pengro mouyeha ap i barra ap i phoub, oun mangan les an, oun sharan o baro Debles kal labentsa: “Yob hi kamlo, oun leskro lačepen hi hako tsiro menge koy.”

2. Familjakro liil 7:6

Oun i rashaya kran pengri boudi. Oun i Levitarya his pashel tardo oun bashran ap pengre doryengre bashepangre, hoy kerdo his o baro Debleske. Kal bashepangre moukas o baro ray, o David glan i tsiro te krell, te sharenn le o baro Debles. Yon bashran oun givan koy Debleskri gili, hoy o David kras: “Leskro lačepen hi an hako tsiro menge koy.” Oun i rashaya his ap i vavar rig tardo, oun phourdan an i phourdepangre. Oun i tsele Israelitarya his koy tardo.

Esra 3:11

Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

Debleskri gili 100:5

Kamlo hi o baro Devel. Leskro lačepen ačell hako tsireske. Oun leskro čačepen herell gar pre.

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 105:1

Parkrenn t'men pash o baro Debleste, oun hadenn leskro lab! Penenn i menshenge an i vavar themma kova, hoy yob kras!

Debleskri gili 106:1

Sharedo vell o baro Devel! Parkrenn t'men pash o baro Debleste! Yob hi i lačo Devel. Leskro lačepen ačella hako tsireske.

Debleskri gili 107:1

Sharenn o baro Debles. Yob hi lačo. Leskro lačepen ačell hako tsireske.

Debleskri gili 118:1

Parkrenn t'men pash o baro Debleste! Yob hi kamlo, oun leskro lačepen ačella hako tsireske.

Debleskri gili 119:68

Tou hal lačo oun kamlo. Sike mande, hoy tou mandar kameh!

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Louka 1:50

Yob kras peskro dji pre kol phourenge oun kolengre čavenge, lauterenge, kay shounenn ap leste, oun darenn lestar.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.