Debleskri gili 128:2 - O Debleskro Lab 2024 (Sinte-Manouche)

² Tou rhah kolestar, hoy tire vasta boudran. Mishto touke! Touke djal lačo.

O Debleskro Drom 2021 (Sinte)

² Tu chah kolestar, hoi tire wasta budran. Mishto tuke! Tuke djal latcho.

Debleskri gili 128:2 ပူးပေါင်းရင်းမြစ်များ

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 109:11

Kova, kay leske love patsas, kova lell lestar lauter, hoy les hi. Menshe, kay gar lestar hi, lenn lauter, koleske yob boudras.

Sikepaskro 8:12

Ninna te djivell kova i lengsto djipen, kay krell sheel kope foullo koova, djinau me, te djal kolenge kokres mishto, kay djivenn o Debleha oun moukenn les lengro ray te vell.

Jesaja 3:10

I barht vell ap kolende, kay an o čačepen tardo hi! Oun lauter djal lenge mishto. Ko lačo koova, hoy le kran, vell ap lende pale.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jesaja 65:13

Doleske penell o baro Devel, maro ray: An ko tsiro, kay t'mer bokenn, hi mire boudepangren rhapaske. An ko tsiro, kay t'mer troushenn, hi mire boudepangren doha te piyell. An ko tsiro, kay han an i ladj, hi mire boudepangre an i barht.

Jeremia 22:15

Yoyakim, patseh tou, kava cedertikro kasht krell dran toute i baro ray? Tiro dad, o Yosia, rhas oun piyas ninna lačo koova! Oun yob rikras pes ap o Debleskro čačepen, oun kras, hoy mishto oun čačo his. Oun doleske moukas leske o baro Devel mishto te djal.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

5. Mose 28:11

Oun o baro Devel krell, te vell t'men boud lačepen, boudeder har doha. Yob dell t'men boud čave oun boud firhe. Boud djob oun vavar koova vell baro ap t'mari phoub an ko them, kay o baro Devel pes glan t'mare phourende sovel das, te dell lo les t'mende.

5. Mose 28:39

T'mer čivenn drakengre rouka an i phoub, oun denn garda ap lende. Oun kirme venn oun rhan i drake pre. Oun t'mer nay lenn kek drake dren, oun nay piyenn kek mool lendar.

5. Mose 28:4

Yob dell t'men boud čave, boud djob, boud groumya oun bakre oun bouzya.

5. Mose 28:51

Oun yon rhan t'mare firhen. Oun halauter, hoy ap t'mari phoub bares vas, rhan le pre. T'menge moukenn le či pral, kek djob, kek mool, kek djet oun vitar kek terne t'mare groumyendar, bakrendar oun bouzyendar. Yaake hounte merenn t'mer i bokatar, bis te kek t'mendar bouder koy hi.

5. Mose 28:8

T'maro baro Devel bičrell t'menge peskri barht ap t'maro djob, te vell t'men boud kolestar an t'mare djobengre khera, oun ap halauter, hoy t'mer krenna. Oun yob dell t'men peskri barht an ko them, hoy lo t'mende dell.