Debleskri gili 122:6 - O Debleskro Lab 2024 (Sinte-Manouche)

⁶ Mangenn o Deblestar i barht pral o foro Yerusalem oun penenn: “Kolenge, kay kamenn tout, Yerusalem, mou djal mishto!

O Debleskro Drom 2021 (Sinte)

⁶ Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

Debleskri gili 122:6 ပူးပေါင်းရင်းမြစ်များ

1. Mose 12:3

Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

Nehemia 11:1

Oun i pralstoune pral i Israelitarya djivan an o foro Yerusalem. Oun i tsele vavar familye vitsran kashta, te rodenn le yek familya dran deesh vin. Oun kolla te djan ninna an o Debleskro foro Yerusalem, te djivenn le koy. Oun kol enya vavar familye ačan an i vavar gaba oun forya.

Nehemia 11:2

Oun i menshe rakran i barht pral kolende vin, kay kaman an o Yerusalem te djan, te djivenn le koy.

Ester 4:8

Oun o Mordekay das les i liil peha, kay kol laba tele činlo his, hoy an o foro Susa ap i kasht dino his, kay tardo hi, te venn i bibolde maredo. Kava liles te sikrell lo i Esterake, oun te penell lo lake lauter, oun mangell latar, te djal li pash o baro rayeste dren, oun mangell les i ropah, te krell lo peskro dji pre lakre menshenge.

Debleskri gili 51:18

Fiche, hoy anenn le touke, kameh gar. Te vals yaake, doms len toute. Fiche, hoy touke rhačedo venna, krenn tiro dji gar barhtelo.

Jesaja 62:7

Yon denn yaake rah gole, bis te yob o foro Yerusalem pale pre tardo čivas, oun bis te yob les yaake kras, te vell o foro ap i tseli phoub sharedo.

Jesaja 66:10

Avenn barhteles o foreha Yerusalem, oun givenn oun khelenn leske, t'mer lauter, kay les o djiyestar kamenn. Avenn barhteles leha, t'mer lauter, kay pral leste rovan.

Jeremia 29:7

Rodenn koy pal, te djal mishto o foreske, kay moukom t'men te anell. Oun mangenn ko foreske mandar lačepen! Te djal o foreske mishto, djal t'menge ninna mishto.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!

4. Mose 24:9

O Israel čivas pes tele har i bari margodja, ava, har i terni bari margodja. Kek kamell lat pre djangrell. Barht oun zoor vell koles, kay rakrell i barht pral toute vin, Israel! Oun bibarht vell ap koleste, kay rakrell i bibarht vin pral toute.

Johanni 17:21

Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

Efesarja 4:3

O Debleskro Dourho anas t'men khetne. Yaake denn garda, te vell kek čingepen mashkral t'mende, oun te rikrenn t'mer lauter khetne!

2. Tessalonikarja 3:16

Maro ray Yezous, kolestar vella i tseli barht, kolestar mangau, te dell lo t'men hako tsiro peskri barht an o dji, kote, kay t'mer han. Maro ray Yezous djal t'mentsa lauterentsa!

1. Johanni 3:14

Mer hams moulo, kanna djivah. Hoske djinah kova? Mer kamah i patslen o djiyestar. Kova sikrell mende, kay vam dran o merepen an o djipen. Koon o vavar patsles gar kamella, kova hi moulo oun ačell moulo.

1. Samuel 12:23

Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.