Debleskri gili 122:5 - O Debleskro Lab 2024 (Sinte-Manouche)

⁵ Kote hi beshdo ap pengre rayengre beshepangre kol bare raya, kay venna dran o kheer David, te rakrenn le o čačepen vin pral i menshende.

O Debleskro Drom 2021 (Sinte)

⁵ Kote hi beshdo ap pengre rajengre beshepangre kol bare raja, kai wenna dran o kheer David, te rakrenn le o tchatchepen win pral i menshende.

Debleskri gili 122:5 ပူးပေါင်းရင်းမြစ်များ

2. Samuel 8:18

O Benaya, koleskro dad o Yoyada hi, his o pralstouno pral kol Kretarya oun Pletarya, kay his troul o baro rayeste tardo, te denn le ap leste yak. Ninna o Davideskre čave his rashaya.

1. Rajengro liil 7:7

Yob moukas pes ninna i kheer te krell, kay leskri beshepaskri tardo his, oun kay yob o čačepen vin rakras pral i menshende. Kava kheer vas kharedo “Čačepaskro Kheer.” Kava kheer moukas lo foun tel bis pral cedertikro kashteha vin te čivell.

2. Familjakro liil 11:22

Oun o Roboam čivas o Abiya, koleskri day i Maaka hi, pral leskre phralende, te vell yob o glanstouno lendar. Yob kamas, te vell o Abiya o baro ray pal leste.

2. Familjakro liil 19:8

Oun ninna an o foro Yerusalem rodas o Yosafat čačepangre morshen vin dran i Levitaryen oun i rashayendar oun i pralstunendar pral i bare familye an Israel, te rakrenn le o čačepen pral i menshende yaake vin, har an o baro Debleskre lila činlo hi, oun te hi i menshe an o foro Yerusalem čingepen mank pende.

5. Mose 17:18

Ap ko tsiro, kay hi lo ap peskri rayeskri beshepaskri beshdo, hounte moukell lo peske kava liil tele te činell, kava liil, hoy pash i rashayende dran o kheer Levi čiddo hi.

5. Mose 17:8

Te vell čomone glan i čačepangre anlo, hoy hi yaake phares lenge, te djinenn le gar, hoy te krenn, – savo koova, te das yek i vavares moulo, oder doukas les, oder čingepen pral kova, hoy o yekeske oder o vavareske hi, palle krenn t'men ap o drom oun djan ap koy platsa, hoy t'maro baro Devel peske vin rodell.