Debleskri gili 121:4 - O Debleskro Lab 2024 (Sinte-Manouche)

⁴ Kova, kay rikrell peskre vasta pral o Israel, vell gar khino oun sovell gar.

O Debleskro Drom 2021 (Sinte)

⁴ Kowa, kai rikrell peskre wasta pral o Israel, well gar khino un sowell gar.

Debleskri gili 121:4 ပူးပေါင်းရင်းမြစ်များ

1. Rajengro liil 18:27

Har mashkral-dives vas, sanas o Eliya pral lende oun penas: “Denn boudeder gole! Yob hi i devel. Nay vell, te dell lo souni, djas ap i rig, djas pral o them. Nay vell, te sovell lo, oun stell pre, te denn t'mer boudeder gole.”

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

Sikepaskro 8:16

Me kamom vin te hatsell, har te nay vau gosevo, oun lom halauter an o yak, hoy i menshe ap kay phoub krenna. Dives oun rati nay sovom gar.

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Debleskro tsiro 7:15

Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.