Debleskri gili 121:3 - O Debleskro Lab 2024 (Sinte-Manouche)

³ Yob moukell tout gar te perell. Yob sovell gar oun rikrell peskre vasta pral toute.

O Debleskro Drom 2021 (Sinte)

³ Job mukell tut gar te perell. Job sowell gar un rikrell peskre wasta pral tute.

Debleskri gili 121:3 ပူးပေါင်းရင်းမြစ်များ

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 41:2

Barhtelo hi kova, kay dell yak ap kolende, kay gar zoreles hi. Ap ko dives, kay les i bibarht taprella, lell o baro Devel les vin.

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Debleskri gili 66:9

Yob rikras men ap o djipen, oun das yak, te peras gar.

Debleskri gili 91:12

te hidjrenn le tout ap pengre vasta, yaake te nay doukress tiri heri ap kek bar.

Gosewe laba 2:8

Yob vell ap i rig kolenge, kay krenn o čačepen, oun rikrell peskre vasta pral kolende, kay djan ap leskro drom.

Gosewe laba 3:23

Yaake nay djah zoreles tiro drom, oun pereh gar pral i barra, hoy kote čiddo hi.

Gosewe laba 3:26

O baro Devel hi pash toute. Yob dell yak ap toute, te stakress gar an i khatede dorya, hoy kamenn tout te taprell.

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.