Debleskri gili 119:96 - O Debleskro Lab 2024 (Sinte-Manouche)

⁹⁶ Me dikom te ačell či, vitar gar kova, hoy mishto hi. Tiro lab kokres ačella tardo.

O Debleskro Drom 2021 (Sinte)

⁹⁶ Me dikom te atchell tchi, witar gar kowa, hoi mishto hi. Tiro lab kokres atchella tardo.

Debleskri gili 119:96 ပူးပေါင်းရင်းမြစ်များ

2. Samuel 14:25

An o tselo Israel his kek morsh yaake shoukar har o Absalom, oun kova penas hakeno lestar. Oun foun o shero bis tel i herya his kek djoungelo koova ap leste.

2. Samuel 16:23

An ko tsiro his i laba, hoy o Ahitofel rakras, yaake boud moldo har o Debleskre laba. O David oun o Absalom shounan ap lende, yaake har te poučans yon o Deblestar čomone, oun yob penals kava.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

2. Samuel 18:14

“Kamau gar te nashrap miro tsiro touha!” das o Yoab gole, oun las triin lengste sane čourya an peskro vast, oun das len o Absalomeske an o dji, har yob gomme djido ap o rouk bladedo his.

2. Samuel 18:17

Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

Sikepaskro 12:8

Halauter hi čičeske, penell o sikepaskro, čičeske hi halauter.

Sikepaskro 2:11

Oun har dikom ko tselo koova, hoy mire vasta kran, oun koy boudi, hoy man koy pashel his, kote hayvom, lauter hi čičeske, har te nashoms pal o dourho, hoy djal pral i phoub. Oun či vell vin dran halauter, hoy krom an miro djipen.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Mateo 24:35

O bolepen oun i phoub ačenna gar. Mire laba ačenna hako tsiro.

Mateo 5:18

Čačepah, me penau t'menge: Yaake rah har o bolepen oun i phoub ačenna, yaake rah vell či krik lino kol labendar, hoy o Mose oun kol Debleskre rakepangre penan. Vitar gar o tikneder lab vell krik lino yaake rah, bis te vell lauter čačo, hoy glan i rah tsiro penlo vas.

Mateo 5:28

Me penau t'menge: Koon ap i vavareskri romyate dikella, te sovell lo lah, kova rhorhras peskri romyat an peskro dji.

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

1. Samuel 17:8

Oun o Goliat čivas pes koy tardo, oun das gole ap i lourdende dran o Israel, oun penas ap lende: “Hoske djan t'mer lauter vin oun čivan t'men tardo o marepaske? Me hom ko yek Filistari, oun t'mer lauter han či har o Sauleskre boudepangre. Rodenn yek morshes dran t'mende vin, te vell lo kay tele pash mande!

1. Samuel 9:2

Oun koles his i morsh čavo, koleskro lab his Saul. Kova his i terno shoukar morsh. Oun kek morsh mank i Israelitarya his yaake shoukar har yob. Oun yob his yek shereske bareder har hako vavar morsh an Israel.