Debleskri gili 119:91 - O Debleskro Lab 2024 (Sinte-Manouche)

⁹¹ Yaake har tou kamal, hi li gomme kava dives tardo. Lauter ap i phoub hounte krell, hoy tou kameh.

O Debleskro Drom 2021 (Sinte)

⁹¹ Jaake har tu kamal, hi li gomme kau diwes tardo. Lauter ap i phub hunte krell, hoi tu kameh.

Debleskri gili 119:91 ပူးပေါင်းရင်းမြစ်များ

1. Mose 8:22

Yaake rah, har i phoub koy hi, vitsrenn le djob ap i phoub oun anenn le pale nevo djob dren. Yaake rah, har i phoub koy hi, ačenna shilapen oun tatepen, niyal oun vend, dives oun rati.”

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Jeremia 33:25

Doleske penell o baro Devel: Yaake har krau me gar i tsirya vavarčandes, oun pal o dives i rati vella,

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Mateo 8:9

Yaake har me ninna hounte shounap ap mire pralstunende, yaake hi man ninna lourde, kay hounte krenn, hoy me penau. Me te penau ap yekeste: Dja koy! palle djal lo. Me te penau ap i vavareste: Am kay! palle vell lo. Me te penau ap miro boudepaskro: Kre kova! palle krell yob kova.”

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

Čačepangre 5:20

Ninna i bolepangre momlia djan an o kourepen. Ap lengre dromma djan le ap o Sisera pre.