Debleskri gili 119:9 - O Debleskro Lab 2024 (Sinte-Manouche)

⁹ Har nay djal i terno morsh peskro drom yaake, te ačell peskro djipen djoudjo? Kova nay krell lo, te rikrell lo pes ap tiro lab.

O Debleskro Drom 2021 (Sinte)

⁹ Har nai djal i terno mursh peskro drom jaake, te atchell peskro djipen djudjo? Kowa nai krell lo, te rikrell lo pes ap tiro lab.

Debleskri gili 119:9 ပူးပေါင်းရင်းမြစ်များ

2. Familjakro liil 6:16

Kanna, baro Devel, tou Devel pral o Israel, rike ninna tiro vavar lab, hoy tou dal miro dadeske, o Davideske, kay touke koy his. Tou penal, te vell hako tsiro yek dran o Davideskri familya o ray pral o Israel. Kova djal yaake rah, har denn leskre čave garda ap pengre dromma, te djivenn le ap tiro drom yaake, har o David glan toute djivas.

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Hiob 13:26

Tou aneh djoungelo koova ap mande pre oun čineh les an i liil. Ninna koy doosh, hoy anom ap mande, har terno homs, aneh tou ap miro shero pale.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 17:4

Yaake har i menshe krenna, krau me les gar. Me rikrau man ap tire laba, oun djau gar ap čilače dromma.

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Debleskri gili 34:11

I bare divye margodje hatsenn gar hako dives doha rhapaske oun hounte bokenna. Kol menshen, kay rodenn o baro Debles, hi lauter doha djipaske.

Gosewe laba 1:10

I čilače, te penenn le: Dik, hoy krah! Palle dja gar koy!

Gosewe laba 1:4

Yaake venn ninna kolla gosevo, kolen či an o shero hi. Oun terne morsha hayvenn, hoy hounte krenn le, oun dikenn dren, hoy mishto hi.

Gosewe laba 2:11

Oun tou deh yak, har te djivess, oun djineh, hoy mishto hi,

Gosewe laba 4:1

Mire čave, shounenn ap kova, hoy me, t'maro dad, t'menge pashel anau. Denn yak ap mire laba, te venn gosevo!

Gosewe laba 7:7

Ap o drom dikom boud terne morshen, oun mank lende yek, koles či an o shero hi.

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Louka 15:13

Pal i tikno tsiro las o terneder čavo peskro tselo bravlepen, oun djas an i vavar them, djivas i shoukar djipen, oun das peskro tselo bravlepen vin.

Johanni 15:3

T'mer han djoudjo. Mire laba, hoy penom t'menge, kran t'men djoudjo.

5. Mose 17:18

Ap ko tsiro, kay hi lo ap peskri rayeskri beshepaskri beshdo, hounte moukell lo peske kava liil tele te činell, kava liil, hoy pash i rashayende dran o kheer Levi čiddo hi.

2. Timoteo 2:22

Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.