Debleskri gili 119:53 - O Debleskro Lab 2024 (Sinte-Manouche)

⁵³ I rholi taprell man, te dikau, har i čilače moukan tiro drom.

O Debleskro Drom 2021 (Sinte)

⁵³ I choli taprell man, te dikau, har i tchilatche mukan tiro drom.

Debleskri gili 119:53 ပူးပေါင်းရင်းမြစ်များ

Esra 10:6

Oun o Esra djas peske krik o Debleskro kherestar, oun djas an i kheer o Yohananestar, koleskro dad o Elyashib his. Kote ačas lo i tseli rati, rhas kek maro oun piyas kek pani; leske his phares pral kolende, kay dran o pandepen dran o them Babilonia vin van oun o Debleskro dromestar tele peran.

Esra 9:14

Har nay vas kova yaake, te kras kova kanna pale, te shounas gar ap tire laba, oun te las menge romyen kol vavar menshendar, kay savo djoungelo koova krenn? Hounte vell tiri rholi gar yaake pral mende, bis te ačell kek mendar ap o djipen? Bis te kek menshe mendar bouder koy hi, kay pral ačan oun nay djivenn doureder?

Esra 9:3

Har kova shounom, krom miri baya oun miro gad paash, oun tserdom mange miro baal dran o shero oun dran o čor, oun beshom man koy, oun homs beshdo har moulo i doukatar.

Nehemia 13:25

Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

Nehemia 5:6

Koy vas i bari rholi an mande pre, har shounom koy bari gole oun kol laba dran lengro mouy!

Debleskri gili 119:136

Rovau boud sva pral kolende, kay moukenn tiro drom.

Debleskri gili 119:158

Me nay dikau kol phoukepangren gar glan i yaka, kay rikrenn pen gar ap tire laba.

Debleskri gili 89:30

Hako tsiro vell yek leskre čavendar, kay pal leste venna, o baro ray pral o them, yaake rah har o bolepen koy hi.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Daniel 4:19

kova hal tou, miro baro ray. Tou hal yaake baro oun zorelo. Oun tiri zoor hi baro oun djal bis pash o bolepen, oun tou val o ray pral i tseli phoub.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

Filiparja 3:18

Me penom t'menge, oun penau les kanna pale i ropah: Boud menshe djivenn yaake, har te vals lenge o Yezouseskro merepen ap o troushel či moldo.