Debleskri gili 119:4 - O Debleskro Lab 2024 (Sinte-Manouche)

⁴ Tou, baro Devel, penal menge, hoy te kras mer, te rikras mer kova hako tsiro.

O Debleskro Drom 2021 (Sinte)

⁴ Tu, baro Dewel, penal menge, hoi te kras mer, te rikras mer kowa hako tsiro.

Debleskri gili 119:4 ပူးပေါင်းရင်းမြစ်များ

Esra 7:21

Me, o ray Artaxerxes, penom ap halauterende, kay an o them vergel o panyestar Yordan ap i khera garda denn, kay miro bravlepen dren hi: Halauter, hoy mangell t'mendar o Esra, ko rashay oun sikepaskro kol labendar o bolepaskro Deblestar, kova denn les sik;

2. Mose 7:6

Oun o Mose oun o Aron kran yaake, har o baro Devel lenge penas.

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Ezekiel 20:19

Me, o baro Devel, hom t'maro Devel. Rikrenn t'men ap mire laba, hoy t'menge sikrenn, hoy t'mendar kamau! Djivenn pal mire čačepaskre laba!

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

5. Mose 11:13

Yaake shounenn ap kol laba, hoy t'menge kava dives penau, te kamenn t'maro baro Debles o tselo djiyestar oun venn leske koy t'mari tseli zoryah.

5. Mose 11:22

Te krenn t'mer kova lauter, hoy me penom, te hounte krenn, oun kamenn t'maro baro Debles t'maro tselo djiyestar, oun djan ap leskre tsele dromma, oun rikrenn t'men ap leste,

5. Mose 30:16

Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 6:17

Rikrenn mishto o baro Debleskre laba oun djivenn yaake, har t'maro Devel t'menge sikras. Krenn, hoy yob t'mendar kamell!

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

1. Johanni 5:3

Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.