Debleskri gili 119:32 - O Debleskro Lab 2024 (Sinte-Manouche)

³² Miro dji hi dour pre, te krap lauter yaake har tou mandar kameh.

O Debleskro Drom 2021 (Sinte)

³² Miro dji hi dur pre, te krap lauter jaake har tu mandar kameh.

Debleskri gili 119:32 ပူးပေါင်းရင်းမြစ်များ

1. Mose 26:22

Oun yob djas doureder oun kras i vavar brounna. Pral koya čingran pen le gar. Koy das lo lat ko lab Rehobot, oun penas: “Kanna das men o baro Devel i bourhlo them. Mer nay vah an kava them boud menshe oun boud firhe.”

Debleskri gili 119:45

Hoy tou mange penal, krau me. Doleske djau barhteles miro drom.

Debleskri gili 18:36

Baro Devel, tou rikreh tiro vast pral mande, te doukrell man kek. Tiri čači moussi dell man zoor, oun tou dikeh lačes ap mande oun kreh man bares.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Jesaja 60:5

Palle dikeh tou kova, oun bari barhtyatar rhačell tiro mouy har i momeli, oun tiro dji trissella oun djal dour pre. Boud bravlepen dran vavar themma vell anlo pash toute, foun vergel o baro pani vell lo pash toute.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Johanni 8:36

Te krell o Debleskro čavo, kay han bouder gar pandlo, yaake han čačepah bouder gar pandlo.

2. Korintarja 3:17

Maro ray Yezous oun o Debleskro Dourho hi yek. Te djivell o Debleskro Dourho an yekeste, hi ko mensho bouder gar pandlo, oun hounte djal bouder gar ap o phouro drom.

2. Korintarja 6:11

Mire phrala an o foro Korint, mer penam t'menge lauter yaake, har kova hi. Mer kram mare djia dour pre t'menge.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

1. Petro 2:16

T'mer han bouder gar pandlo ap o čilačepen. Doleske penenn gar: “Mer nay krah halauter, hoy kamah.” Oun pal savo rakepen khatrenn t'mer t'maro čilačepen. Ma bistrenn, kay han pandlo ap o Debleste!