Debleskri gili 119:165 - O Debleskro Lab 2024 (Sinte-Manouche)

¹⁶⁵ I bari barht hi kolen, kay tiro drom kamenna. Yon perenn gar tiro dromestar tele.

O Debleskro Drom 2021 (Sinte)

¹⁶⁵ I bari bacht hi kolen, kai tiro drom kamenna. Jon perenn gar tiro dromestar tele.

Debleskri gili 119:165 ပူးပေါင်းရင်းမြစ်များ

Debleskri gili 119:56

Mange hi shoukar te krap kova, hoy tou menge penal.

Gosewe laba 3:17

O gosvepen anell ap shoukar dromma, kay dell kek čingepen.

Gosewe laba 3:23

Yaake nay djah zoreles tiro drom, oun pereh gar pral i barra, hoy kote čiddo hi.

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Jesaja 28:13

Doleske hayvenn le gar, hoy o baro Devel lenge penell. Leskro lab hi lenge či vavar koova har sau koova, hoy i ternepen rakrell: ba-ba-ba, ma-ma-ma. Yaake te djan le koy oun perenn, oun phagenn pen i herya, taprenn pen an i dori, oun venn pandlo.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Jesaja 57:14

O baro Devel penell: Krenn o drom! Krenn o drom! Krenn mire menshenge o drom! Lenn halauter krik, hoy lenge ap o drom čiddo hi!

Jesaja 57:21

Kek lačo koova hi i čilačenge, penell miro Devel.

Mateo 13:21

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun yon venn mange palla lino, palle vitsrenn le pengro patsepen ap i rig.

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Filiparja 4:7

Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.

1. Johanni 2:10

Koon peskro phrales o tselo djiyestar kamella, kova ačella o Debleha. An leste hi kek čilačepen, hoy les o Debleskro dromestar tele nay anell.