Debleskri gili 119:144 - O Debleskro Lab 2024 (Sinte-Manouche)

¹⁴⁴ Tire laba, hoy menge sikrenn, har te djivas, ačenna hako tsiro čačo. Sike mande, har te hayvap len! Palle djivau.

O Debleskro Drom 2021 (Sinte)

¹⁴⁴ Tire laba, hoi menge sikrenn, har te djiwas, atchenna hako tsiro tchatcho. Sike mande, har te haiwap len! Palle djiwau.

Debleskri gili 119:144 ပူးပေါင်းရင်းမြစ်များ

Debleskri gili 119:138

Tire laba, hoy sikrenn menge, har te djivas, kolla lauter hi čačo oun mishto.

Debleskri gili 119:151

Baro Devel, tou hal pash mande. Oun tire tsele laba hi o čačepen.

Debleskri gili 119:152

I rah tsiro prindjrau tire laba, hoy menge sikrenn, har te djivas. Tou kral, te ačenn le hako tsireske.

Debleskri gili 119:169

Baro Devel, shoun miro ropen! Mouk man tire laba te hayvell, yaake har tou penal!

Debleskri gili 119:17

Ab lačes ap mande, tiro boudepaskro, te djivap oun rikrap tiro lab.

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Debleskri gili 119:66

Sike mande te hayvap oun djinap, hoy te krap! Tire laba hi mishto. Kova patsau.

Debleskri gili 119:73

Tire vasta kran man oun rikran man. Kre, te hayvap tire laba!

Debleskri gili 19:9

Kova, hoy o baro Devel menge penell, te kras mer, hi čačo, oun krell maro dji barhtelo. Kova, hoy lo mendar kamell, nay hayvell hakeno. Kova hi har i momeli, hoy sikrell men o drom.

Gosewe laba 10:21

O rakepen kolestar, kay an o čačepen tardo hi, dell boud menshen nevi zoor. Kolen či an o shero hi, kolla merenn dran ko dinelo koova, hoy le kran.

Gosewe laba 4:4

kote sikras lo man, har te djivap, oun penas: An tiro dji le mire laba pre oun biste len gar! Rike ap mire laba, palle djiveh.

Gosewe laba 7:2

Rike mire laba oun tou djiveh, de yak ap lende har ap tiro yak!

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Mateo 13:19

Ko djob, hoy peras ap o drom, sikrell t'mende yekes, kay shounas ko lab, te dell les o Devel pash peste gole. Oun yob hayvas ko lab gar. Oun o beng vas, oun las ko lab dran leskro dji vin.

Mateo 5:18

Čačepah, me penau t'menge: Yaake rah har o bolepen oun i phoub ačenna, yaake rah vell či krik lino kol labendar, hoy o Mose oun kol Debleskre rakepangre penan. Vitar gar o tikneder lab vell krik lino yaake rah, bis te vell lauter čačo, hoy glan i rah tsiro penlo vas.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.