Debleskri gili 119:130 - O Debleskro Lab 2024 (Sinte-Manouche)

¹³⁰ Te hayvah tiro lab, palle krell men kova barhtelo, oun ninna kolla, kay či djinenn, venn gosevo.

O Debleskro Drom 2021 (Sinte)

¹³⁰ Te haiwah tiro lab, palle krell men kowa bachtelo, un ninna kolla, kai tchi djinenn, wenn gosewo.

Debleskri gili 119:130 ပူးပေါင်းရင်းမြစ်များ

Debleskri gili 119:105

Tiro lab hi har i momeli, hoy sikrell, kay te djap, ava, i momeli ap miro drom.

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Debleskri gili 19:7

O kham djal pre ap koy yek rig o bolepastar, oun nashell peskro drom bis ap i vavar rig, oun glan leskro tatepen ačella či khatedo.

Debleskri gili 19:8

O baro Debleskre laba hi lauter čačo oun krenn mare djia zorelo. O baro Debleskro rakepen hi lačo, oun krell i dinelen gosevo.

Gosewe laba 1:4

Yaake venn ninna kolla gosevo, kolen či an o shero hi. Oun terne morsha hayvenn, hoy hounte krenn le, oun dikenn dren, hoy mishto hi.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Petro 1:19

Doleske djinah mer čačepah, kay kova čačo hi, hoy o Debleskre rakepangre penan. T'mer krenna mishto, te denn garda koy pre. Ko lab hi har i momeli, hoy rhačella an i rat, bis te vell o dives. Palle djal i rayli momeli an t'mare djia pre.