Debleskri gili 119:120 - O Debleskro Lab 2024 (Sinte-Manouche)

¹²⁰ Toutar darau yaake, te trissau. Tou deh i phagi kolen, kay shounan gar ap toute.

O Debleskro Drom 2021 (Sinte)

¹²⁰ Tutar darau jaake, te trissau. Tu deh i phagi kolen, kai shunan gar ap tute.

Debleskri gili 119:120 ပူးပေါင်းရင်းမြစ်များ

2. Rajengro liil 22:11

Yaake vas, har o baro ray i laba dran ko liil shounas, kras lo peskre koola paash, kay ap leste his.

1. Familjakro liil 24:30

I čave o morshestar Moushi his: o Mali, o Eder oun o Yeremot. Kolla hi i Levitarya, pre činlo an i liil pal pengre familye.

2. Familjakro liil 34:21

“Djan koy oun poučenn o baro Debles mange oun i menshenge dran Israel, kay pral ačan, oun kolenge an o them Youda, pral kol laba an ko liil, hoy hatslo vas. Mare phoure shounan gar ap o baro Debleskre laba, oun djivan gar yaake, har dren činlo hi an kava liil. Doleske hi o baro Debleskri rholi bares ap mende čiddo.”

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Hiob 23:15

Doleske taprell man i traash glan leste. Te vell kova mange an o shero, darau zoreles lestar.

Hiob 31:23

Sau koova nay kroms me gar, me trashau o Deblestar, oun hounte daroms, te vell leskri rholi pral mande!

Debleskri gili 119:53

I rholi taprell man, te dikau, har i čilače moukan tiro drom.

Debleskri gili 88:16

Foun tiknes pre hom nasselo, oun gar dour o merepastar. Hoske čiveh tou pale te pale i traash ap mande? Me nay hidjrau lat bouder gar.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

Hebrearja 12:21

Kova lauter, hoy i menshe kote dikan oun shounan, kras len yaake dareno, te penas ninna o Mose: Man hi savi daar, te trissenn mire herya.

1. Samuel 6:20

Oun i morsha an Bet-Shemesh penan: “Koon nay ačell djido glan o baro Debleste, kay yaake hi har kek vavar? Pash koneste nay bičrah ko morhton? Kate nay ačell lo gar.”