Debleskri gili 119:10 - O Debleskro Lab 2024 (Sinte-Manouche)

¹⁰ Miro tselo djiyeha rodau tout. Ma mouk man te moukap tire laba.

O Debleskro Drom 2021 (Sinte)

¹⁰ Miro tselo djijeha rodau tut. Ma muk man te mukap tire laba.

Debleskri gili 119:10 ပူးပေါင်းရင်းမြစ်များ

2. Familjakro liil 15:15

Oun i tsele menshe dran Youda his barhtelo pral koy sovel, hoy dan le pengro tselo djiyeha. Oun yon rodan o Debles pengri tseli zoryah. Oun yob moukas pes lendar te hatsell. Oun o baro Devel moukas len an o lačepen te djivell i thementsa troul lende.

Debleskri gili 119:118

Kolen, kay gar krenna, hoy lendar kameh, tradeh tou toutar. Lengro rhorhepen hi čičeske.

Debleskri gili 119:133

Mouk te ačap zoreles ap tiro drom, yaake har tou penal, te vell o čilačepen kek ray pral mande!

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

Debleskri gili 119:21

Tou čingreh pral kolende, kay phourdenn pen pre. Praasedo hi kolla, kay moukan tire laba.

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Debleskri gili 119:58

Miro tselo djiyeha rodau me tiro kamlepen. Ab mange lačes yaake har tou les penal.

Debleskri gili 119:69

Kol pre-phourde anan rhorhepen pre ap mande. Miro tselo djiyestar krau me kova, hoy tou menge penal.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 23:3

Yob dell miro djipen nevi zoor. Yob anell man ap o čačo drom, yaake har yob peskro lab koy pre das.

Debleskri gili 78:37

Pengre djiyentsa his le gar pash leste, oun ap leskre laba, hoy le leha vin kran, rikran le gar pengro tselo djiyeha.

Gosewe laba 2:13

oun o čačo drom moukan, oun i djipen an o čilačepen djivenn.

Gosewe laba 21:16

I mensho, kay kamell gar te djinell, hoy gosevo hi, djal ap o drom pash i moulende.

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Jeremia 3:10

Oun an ko tselo koova vas i Youda, lakri pheen, gar pash mande o tselo djiyestar, kokres o mouyeha, penas o baro Devel.

Ezekiel 34:6

Yon nashan trouyel ap i tsele tikne oun bare berge, oun hi bouder gar khetne. Kate te kote an o tselo them hi le. Oun kek hi koy, kay pal lende poučell oun len rodell.

Hosea 10:2

Lengre djia hi pherdo rhorhepen. Kanna vell lengri doosh pral lende. Lengre altare venn khetne phagedo, oun kol pre-čidde bare barra venn tele dino.

Mateo 6:24

Kek boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, kol vavares kamals yob o djiyestar. Tou nay boudreh gar o Debleske oun rodeh tiro bravlepen.

Kolossarja 3:22

T'mer boudepangre, shounenn hako tsiro ap t'mare rayende, kolenge t'mer hounte boudrenna! Ma krenn t'mari boudi yaake, te sharenn t'men i menshe! Na-a! Boudrenn lenge o čačo djiyestar, oun yaake, har kamell o ray Yezous kova t'mendar.

1. Johanni 2:15

Ma kamenn ko koova, hoy i menshe ap kay phoub kamenna! Ma kamenn ko koova, hoy i menshe ap kay phoub krenna! Te kamell yek ko koova, hoy i menshe ap kay phoub kamenna, kova kamell gar o Debles, maro dades an o bolepen.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”