Debleskri gili 116:16 - O Debleskro Lab 2024 (Sinte-Manouche)

¹⁶ Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

O Debleskro Drom 2021 (Sinte)

¹⁶ Ach, baro Dewel, me hom jek kolendar, kai tuke budrenn. Awa, tiro budepaskro hom un budrau tuke har miri dai kras. Tu kral i shelle pre, hoi pandan man.

Debleskri gili 116:16 ပူးပေါင်းရင်းမြစ်များ

1. Familjakro liil 17:19

Baro Devel, mange kral tou kava tselo baro koova. Kova his yaake an tiro dji, te sikress tiro tselo raylepen.

Debleskri gili 119:125

Tiro boudepaskro hom me. Mouk man tire laba te hayvell, hoy menge sikrenn, har te djivas.

Debleskri gili 143:12

Tou hal yaake lačo ap mande. Doleske le kolen krik, kay ap mande djan, oun mare lauteren, kay mange miro djipen phares krenn. Me hom tiro boudepaskro!

Debleskri gili 86:16

Risse tout pash mande, oun ab mange lačes! Hom tiro boudepaskro, – de man tiri zoor! Ninna miri day his tiri boudepaskretsa, doleske ab ap miri rig!

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Remarja 6:22

Kanna han t'mer bouder gar pandlo ap o čilačepen. T'mer van o Debleskre boudepangre. Oun t'mer djivenn o Debleskro djipen. Oun kova anell t'men an o djipen, hoy gar pre-herella.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.