Debleskri gili 116:15 - O Debleskro Lab 2024 (Sinte-Manouche)

¹⁵ O baro Devel dikell i doukentsa ap o merepen peskre menshendar.

O Debleskro Drom 2021 (Sinte)

¹⁵ O baro Dewel dikell i dukentsa ap o merepen peskre menshendar.

Debleskri gili 116:15 ပူးပေါင်းရင်းမြစ်များ

Hiob 5:26

Oun tou mereh an o lačo phourepen, yaake har o djob dren anlo vell, te vas leskro tsiro.

Debleskri gili 72:14

Yob lell len vin dran o vast kolendar, kay lenge o djipen phares kran. Oun kolendar, kay len dava dan, lell lo len krik. Lengro djipen hi leske boud moldo.

Louka 16:22

O dives vas, kay ko čorvelo meras. Oun i bolepangre anan les an o bolepen, te beshas lo pes pash o Abraham. I tsiro koy pre meras ninna ko bravelo, oun las i shoukar paskepen.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

Debleskro tsiro 14:3

Oun yon givenn i nevi gili glan o rayeskro beshepaskro, oun glan kol star zorele bolepangre oun glan kol čačepangre phourende. Oun kek nay givas koy gili, har kokres kol yek-sheel-te-star-deesh-te-star zerya (144.000) menshe. O terno bakro playsras lenge peskro rateha, te lell lo len i phoubyatar vin, oun te anell lo len khetne o Debleske.

1. Samuel 25:29

Oun te hadell pes i mensho, te lell lo tout palla, oun kamell tout te marell, palle rikrell o baro Devel peskre vasta pral tiro djipen, yaake har yek i kouč bar an peskri possita khatrell. Kolla, kay kamenn tout te marell, lengro djipen vell krik vitsedo, har yek i bar krik vitsrella!