Debleskri gili 115:4 - O Debleskro Lab 2024 (Sinte-Manouche)

⁴ Lengre debla hi dran roup oun sonakay. Menshengre vasta kran len.

O Debleskro Drom 2021 (Sinte)

⁴ Lengre debla hi dran rup un sonakai. Menshengre wasta kran len.

Debleskri gili 115:4 ပူးပေါင်းရင်းမြစ်များ

1. Rajengro liil 18:26

Kote lan yon ko gouroum, hoy dan le len, maran les, činan les khetne oun čivan les ap o kasht, oun kharan o Baales taysarlakro bis mashkral-dives oun penan: “Baal, shoun ap mende!” Kek rakepen vas, kek rakras ap lende. Oun yon khelan troul pengri rhačepaskri, kay yon penge kran.

1. Rajengro liil 18:29

Har o mashkral-dives trouyel djas, his yon bouder gar pash pende, oun khelan bis ap ko tsiro, kay rati o Debleskro rhapen anlo vell. Kek rakepen vas, kek lab, vitar kek sikepen.

2. Rajengro liil 19:18

Kolengre debla vitsran le an i yag. Kolla his kek čače debla, van kerdo i menshengre vastentsa dran kasht oun bar. Doleske van le khetne dino.

2. Familjakro liil 32:19

Oun yon rakran djoungele laba pral o Debleste, kay an o foro Yerusalem djivell, har te vals lo i devel har kolla, kay i menshengre vastentsa kerdo hi, oun kolen i menshe an vavar themma an-mangenn.

Debleskri gili 97:7

Ladj ap kolende, kay krenn penge vavar debla, oun sharenn pen pengre moule deblentsa! Perenn tele ap i phoub, t'mer vavar debla, glan o baro Debleste!

Jesaja 37:19

Oun kolengre debla vitsran le an i yag. Kolla his kek čače debla, van kerdo i menshengre vastentsa dran kasht oun bar. Doleske van le khetne dino.

Jesaja 42:17

Kolla, kay rikrenn pen ap i rhorhene debla, oun penenn ap kolende, hoy i menshengre vastentsa kerdo van: T'mer han mare debla, kolla venn pale-čiddo oun hounte ladjenn pen.

Jesaja 44:10

Koon krals i debles oun činals i figura, hoy či moldo hi?

Jesaja 44:20

Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

Jesaja 44:9

Kolla, kay deblengre figure kran, hi či moldo, oun kol shoukar figure hi ninna čičeske. Oun kolla, kay mangenn len an, dikenn oun hayvenn či, hoy lengro devel krals.

Daniel 3:5

Te shounenn t'mer o bashepen ap i phourdepangre, ap i doryengre bashepangre oun ap i tsele vavar bashepangre, palle hounte vitsrenn t'men tele glan koy sonakaskri figura, hoy moukas o baro ray Neboukadnezar pre te čivell.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Hosea 8:6

I boudepaskro dran Israel kras koy figura. Doleske nay vell li kek devel. An kotya dino vell ko terno gouroum, hoy i menshe an Samaria an-mangenn!

Bičepangre 19:26

T'mer dikan oun shounan, kay o Paulo i menshenge penella: I devel, kay i vastentsa kerdo vella, hi kek devel. I menshe an o foro Efesus oun an o them Asia shounenn ap o Pauleskro rakepen.

Bičepangre 19:35

Pal kova har o moskro lenge penas, te moukenn le tele, penas yob ap lende: “Morshale an o foro Efesus, hako mensho djinella, kay an maro foro i menshe garda denna ap i bari debletsa Artemis oun ap lakro baro kheer. Oun ninna djinell hakeno, kay peras koy barreskri debletsa, kay koy tardo hi, dran o bolepen tele.

5. Mose 4:28

Oun kote mangenn t'mer kol deblen dran kasht oun bar an, hoy menshengre vastentsa kerdo van. Oun kol debla nay dikenn oun shounenn, nay rhan oun soungenn gar.