Debleskri gili 115:12 - O Debleskro Lab 2024 (Sinte-Manouche)

¹² O baro Devel bistras men gar, oun čivell peskri barht ap mende. Yob čivell peskri barht ap o kheer Israel. Yob čivell peskri barht ap i rashayende dran o kheer Aron.

O Debleskro Drom 2021 (Sinte)

¹² O baro Dewel bistras men gar, un tchiwell peskri bacht ap mende. Job tchiwell peskri bacht ap o kheer Israel. Job tchiwell peskri bacht ap i rashajende dran o kheer Aron.

Debleskri gili 115:12 ပူးပေါင်းရင်းမြစ်များ

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

Debleskri gili 135:19

T'mer dran o kheer Israel, sharenn o baro Debles! T'mer rashaya dran o kheer Aron, sharenn o baro Debles!

Debleskri gili 136:23

Yob bistras men gar, har tele rikede hams. Leskro lačepen ačella hako tsireske!

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Debleskri gili 67:7

I phoub moukas lačo rhapen bares te vell; o Devel, maro Devel das men barht.

Jesaja 44:21

Ma biste kova, Yakob! Tou, Israel, hal miro boudepaskro. Me krom tout, tou hal miro boudepaskro. Israel, me bistrau tout gar.

4. Mose 6:27

T'mer te rakrenn yaake miro lab pral i Israelitarya vin, dau me len barht oun zoor.”

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

Galatarja 3:14

Oun kova kras o Yezous Kristo, te vell o Debleskri zoor pash i tsele menshende, yaake har o Devel glan i rah tsiro o Abrahameske penas. Kanna nay lah mer lauter o Debleskro Dourho, te patsah mer ap o Yezouseste.

Galatarja 3:29

Te djan t'mer o Yezous Kristeha, han t'mer ninna o Abrahameskre čave. Oun t'mer lenn kova, hoy o Devel o Abrahameskre čavende della, yaake har penas lo.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.