Debleskri gili 114:4 - O Debleskro Lab 2024 (Sinte-Manouche)

⁴ I berge stan har bakre, oun i tikne berge har terne bakre.

O Debleskro Drom 2021 (Sinte)

⁴ I berge stan har bakre, un i tikne berge har terne bakre.

Debleskri gili 114:4 ပူးပေါင်းရင်းမြစ်များ

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 29:6

Yob moukell len te stell har i terne groumya, I berga Libanon moukell lo te stell har i terni groumni stell, oun i berga Siryon har i terno divyo gouroum.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 68:16

Baro hi i berga Bashan. Lat his boud bergetikre sherya.

2. Mose 19:18

Oun troul koy tseli berga Sinay his yagakro dourho, har vas o baro Devel an i yag tele ap i berga. Oun i yagakro dourho djas pre dran i berga yaake har dran i baro bob. Oun koy tseli berga trissas zoreles.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.

Habakuk 3:8

Baro Devel, his tout i rholi ap i zorele panya? Val tou rhoyedo pral o baro pani, har klissal tou vin tire grayentsa, oun tire kourepangre vourdya zorleder his har hake vavar?

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.