Debleskri gili 114:2 - O Debleskro Lab 2024 (Sinte-Manouche)

² koy vas o them Youda kova them, kay le o baro Debles an-mangan. Oun o Israel vas kova them, pral koleste yob o baro ray hi.

O Debleskro Drom 2021 (Sinte)

² koi was o them Juda kowa them, kai le o baro Debles an-mangan. Un o Israel was kowa them, pral koleste job o baro rai hi.

Debleskri gili 114:2 ပူးပေါင်းရင်းမြစ်များ

2. Mose 15:17

Tou aneh len ap i berga, hoy tou touke vin rodal, kote, kay tou khere hal, te djivenn le pash toute. Koya berga hi tiro kheer, baro Devel, hoy tou touke tire vastentsa kral, te vess kote sharedo.

2. Mose 25:8

Kamau lendar, te krenn le mange i kheer, te djivap nay mashkral lende.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

3. Mose 11:45

Me hom o baro Devel, oun anom t'men dran o them Egiptia vin, te vap t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

5. Mose 23:14

Oun hakeno, kay djal kote, lell i kasht peha, hadell i tikni rheb vin, beshell pes, oun čakrell palle kova, hoy lestar vin djas.

5. Mose 27:12

Te djan t'mer vergel o panyestar Yordan, hounte djan i menshe dran i khera Simeon, Levi, Youda, Issakar, Yosef oun Benyamin ap i berga Garizim, te shounenn le havi Debleskri barht pral i menshende vin rakedo vell.

5. Mose 27:9

Oun o Mose oun i rashaya dran o kheer Levi penan ap i tsele Israelitaryen: “Ačenn Oun shounenn, t'mer Israelitarya! Kava dives van t'mer o baro Debleskre menshe. Yob hi t'maro Devel.

5. Mose 7:6

T'mer han menshe, kay hi o baro Debleske kokres koy. T'men rodas lo vin dran i menshen an i tsele themma, kay ap i phoub hi, te venn t'mer leskre menshe.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”