Debleskri gili 112:9 - O Debleskro Lab 2024 (Sinte-Manouche)

⁹ Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

O Debleskro Drom 2021 (Sinte)

⁹ Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

Debleskri gili 112:9 ပူးပေါင်းရင်းမြစ်များ

Debleskri gili 111:3

Kova, hoy o baro Devel krella, hi raylo oun shoukar. Oun leskro čačepen ačella hako tsireske.

Debleskri gili 112:3

Lengre familye venn bravelo. Len hi lauter, hoy len hounte vell djipaske. Oun lengro čačepen ačell hako tsireske.

Debleskri gili 75:10

Me kamau o Deblestar te rakrell hako tsiro. Oun leske, ko Yakobeskro Debleske, givau oun bashrau.

Debleskri gili 92:10

Mer djinah, lauter, kay tout čilačepen kamenn, hounte merenn. Oun lauter, kay čilačo koova krenna, venn krik tradedo.

Debleskri gili 92:11

Man kral tou zorelo har i divyo gouroum, oun makal man nevo djeteha, hoy pral mande čoral.

Gosewe laba 14:24

O gosvepen hi har shereskro sonakay i gosevenge. Ap o shero i narvelendar hi lengro dinlepen har i stadi.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Gosewe laba 21:26

O tselo dives djal lenge kova an o shero trouyel, hoy kamenn le te lell. Kova, kay an o čačepen tardo hi, kova dell oun rikrell gar pale.

Sikepaskro 11:6

Doleske čip o djob taysarla an i phoub, oun mouk gar tele bis an i rati. Tou djineh gar, hoy bares vella, kava te kova, oder hake douy.

Sikepaskro 3:6

Yek tsiro hi koy, te rodas čomone, oun yek tsiro, kay rodah bouder gar. Yek tsiro hi koy, kay rikrah čomone, oun yek tsiro, kay vitsrah les krik.

Jesaja 32:8

Ko pralstouno, kay hi an o čačepen tardo, lell peske čačo koova glan. oun moukell gar tele, te krell lo kova ninna.

Jesaja 58:10

Tou dess tiro maro koles, kay bokell, oun dess koles, kay les gar doha djipaske hi, lauter, hoy les hounte vell. Palle djal touke o kham pre an o kalepen, kay tou djiveh. Oun tiri rati vell har o mashkral-dives.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Markus 14:7

I čorvele hi hako tsiro pash t'mende. Oun te kamenn t'mer, nay krenn t'mer lenge lačo koova. Me hom gar hako tsiro pash t'mende.

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Louka 12:33

Bikrenn, hoy t'men hi! Denn kol love i čorvelende! Palle hi kova yaake, har te krenn t'men i lovengro gono, hoy gar paash djala! Yaake krenn t'menge i baro bravlepen, hoy nashrenn nay gar. Kova hi an o bolepen, kay kek čorepaskro t'maro koova hatsella, oun kek kirme les nay pre rhan!

Louka 16:9

Me penau t'menge: T'mare love ačenna gar. Denn len i čorvelende, te venn le t'mare mala! Te hi kol love boudeder či moldo, palle lenn le t'men kote an i khera dren, kay t'mer hako tsiro nay ačenna.”

Louka 18:22

Har o Yezous kova shounas, penas lo ap leste: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun am oun dja mantsa!”

Johanni 13:29

Mashkral lende his kolla, kay hayvan, har te penals o Yezous ap leste, te ginell yob čomone dren, hoy len hounte vell ap o festo. Kol vavar hayvan, har te penals o Yezous, te dell yob čomone i čorvelende. O Youdas his kova, kay hidjras koy possita lengre loventsa pash peste.

Bičepangre 20:35

Yaake sikrom t'mende, kay hounte boudras, te nay dah ninna i čorvelende čomone. Ma bistrenn kol laba, hoy o ray Yezous penas: Kova, kay della, hi barhtleder har kova, kay lella.”

Bičepangre 4:35

oun anan kol love pash i Yezouseskre bičepangre. Oun yon dan hakenes yaake boud, te his hakenes doha djipaske.

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

5. Mose 15:11

Hako tsiro hi čorvele an o them. Doleske penau me t'menge: Krenn t'mare vasta pre t'mare phralenge, kolen gar doha djipaske hi!

5. Mose 15:14

Tou dess les tire bakrendar, tiro djobestar oun tiri molyatar, halauterestar, hoy tiro baro Devel tout das.

5. Mose 24:13

Te djal o kham tele, dess tou les kova pale, te nay čivell lo pes tele an peskri plaashka, oun yob rakrell barht pral toute vin. Oun yaake hal tou an o čačepen tardo glan tiro baro Debleste.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Debleskro tsiro 22:11

Koon čilačo koova krella, kova krell kova. Oun koon djoungelo koova krella, kova krell kova. Oun koon an o čačepen djivella, ačell an o čačepen! Oun koon o Debleha djivella, kova ačell o Debleha!

1. Samuel 2:1

Oun i Hanna parkras pes pash o Debleste oun penas: Miro dji hi barhtelo an o baro Debleste. Yob hadas man pre oun kras man zoreles. Kanna nay sau pral kolende, kay man tiknes kran. Tou, miro Devel, val ap miri rig. Doleske hom barhtelo.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.