Debleskri gili 111:2 - O Debleskro Lab 2024 (Sinte-Manouche)

² Baro hi kova, hoy o baro Devel lauter kras. Koneske kova an o shero trouyel djal, kova vell barhtelo.

O Debleskro Drom 2021 (Sinte)

² Baro hi kowa, hoi o baro Dewel lauter kras. Koneske kowa an o shero trujel djal, kowa well bachtelo.

Debleskri gili 111:2 ပူးပေါင်းရင်းမြစ်များ

Hiob 37:14

Hiob, shoun kava mishto! Ač, oun de yak ap kova, hoy o Devel an peskri zoor krell!

Hiob 37:7

Yaake krell lo, te moukenn i menshe pengri boudi čiddo, te dikell hakeno, hoy yob nay krell.

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

Hiob 9:10

Yob krell savo baro oun zorelo koova, te nay hayvah les gar, savo boud baro koova, hoy kek vavar nay krell, te nay djinah gar, har boud kova hi.

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

Debleskri gili 104:34

Mou vell miri gili leske shoukar! Me hom barhtelo pral miro baro Debleste.

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Debleskri gili 118:15

Shoun koy gili, hoy givenn o Debleskre menshe barhteles an pengre khera: “O baro Devel hi o zorleder. Yob hi o zorleder an o kourepen.

Debleskri gili 139:14

Me parkrau man pash toute, te kral man yaake shoukar. Ap mande dikau, lauter hoy kreh, hi yaake mishto, te ačell mange o rakepen krik.

Debleskri gili 143:5

Mange djal kova an o shero, hoy tou lauter kral glan i rah tsiro. Pral kova, hoy tire vasta kran, rakrau miro djiyeha.

Gosewe laba 17:16

Hoske hounte dals i dinelo love vin, te nay djal lo an i sikepaskri? Leske djal či an leskro shero.

Gosewe laba 24:14

Yaake hi o gosvepen lačo tiro djipaske. Te hatsal les, palle hi tout i lačo djipen glan toute, oun kova vella, hoy o djiyestar kamal.

Sikepaskro 3:11

Hako koova, hoy o Devel krell, krell lo ap o čačo tsiro. Oun yob čivas o mensheske an o dji, te hayvell lo, kay hi čomone koy, hoy ačell hako tsiro. Ninna te hi kova yaake, nay hayvell o mensho gar ko tselo koova, hoy o Devel krell, kokres tikne kotya kolestar.

Jesaja 40:12

Koon hi yaake baro, te nay lell lo i tsele panya an peskro vast? Koon nay čivell peskro vast ap o bolepen oun penell, har bourhlo kova hi? Koon nay čivell i tseli čik i phoubyatar an i baro čaro, te dikell lo har boud kova hi? Oun koon nay penell, har pharo i berge hi, oun nay čivell len ap i vaga? Kek mensho nay krell kova!

Daniel 4:3

Oun me penom zoreles, te venn i tsele sikle morsha an o them Babilonia pash mande khetne, te nay penenn le mange, hoy koy souni kamell te penell.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Remarja 8:6

Kolla, kay djivenn yaake, har yon kamenna, kolla merenna. Kolla, kay krenna, hoy o Debleskro Dourho lenge penella, kolla len o Debleskro djipen oun leskri barht.

Efesarja 1:19

Oun me mangau lestar ninna, te hayvenn t'mer, har bari leskri zoor hi, hoy an mende hi, kay patsah. Koy zoor hi i emligi bari zoor,

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!