Debleskri gili 110:6 - O Debleskro Lab 2024 (Sinte-Manouche)

⁶ oun yob o čačepen vin rakrella, oun an hake themma boud menshen i phagi della. Palle hi boud menshe moulo čiddo ap o bourhlo them. Boud pralstoune venn khetne dino.

O Debleskro Drom 2021 (Sinte)

⁶ un job o tchatchepen win rakrella, un an hake themma bud menshen i phagi della. Palle hi bud menshe mulo tchiddo ap o buchlo them. Bud pralstune wenn khetne dino.

Debleskri gili 110:6 ပူးပေါင်းရင်းမြစ်များ

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Debleskri gili 68:21

Men hi i Devel, kay menge koy hi. Yob hi o baro Devel, maro ray, kay lell men vin dran o merepen.

Debleskri gili 68:22

Kolenge, kay les gar kamenna, stakrell lo o shero dren, hake čilačenge, kay moukenn gar pengro čilačepen.

Jesaja 11:3

Leske hi shoukar, te rikrell lo peske o baro Debles glan i yaka pash kova, hoy lo krell. Yob krell gar o čačepen vin pal kova, hoy glan leskre yaka hi oun leske penlo vas.

Jesaja 2:4

Oun yob vell o čačepaskro ray, kay krell o čačepen vin mashkral i menshende dran i vavar themma, oun penell lenge, te moukenn le pengro čingepen. Oun kolla lenn palle pengre rhare oun vitsepaskre čourya, oun krenn lendar harhetikre koola, kolentsa boudrenn le nay an i phoub oun činenn i drakengre kashta tele. Oun palle kourenn pen i menshe dran yek them bouder gar i menshentsa dran i vavar them. Oun kek sikrell i vavaren bouder, har te marenn le pen.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 42:4

Leske kokres djal gar i zoor krik, oun yob phagell vitar gar khetne, bis te kras lo, te djivenn i menshe ap i tseli phoub pal o čačepen. Oun i menshe an dour themma dikenn ap leste, te sikrell lo len peskro drom.

Jesaja 51:5

O tsiro, kay miro čačepen vell, hi gar dour. Oun ko dives vell sik, kay lau t'men vin dran o čilačepen. Oun me vau o čačepaskro ray pral i vavar themma. I menshe, kay djivenn pash o baro pani, dikenn ap mande, te lap o kourepen krik.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Ezekiel 39:4

Ap i berge Israel veh tou moulo dino, tou oun tire tsele lourde, ninna kol lourde dran vavar themma, kay touha van. Oun me dau t'men i divye firhenge oun hake čirklenge, kay mass rhan, te rhal.

Micha 4:3

Yob krell o čingepen vin mank bare natsyone, oun rakrell o čačepen vin pral boudende an dour themma. Yon krenn dran lengre rhare harhetikre koola, kolentsa vitsrenn le i phoub trouyel. Oun dran lengre vitsepangre čourya krenn le čourya, kolentsa yon i drake tele činenn. An ko tsiro hi kek them o vavareha an o kourepen. Kek hounte sikrell len bouder, har te kourenn le pen i rhareha.

Habakuk 3:13

Tou djal vin, te vess ap i rig tire menshenge, oun o rayeske, koles tou vin rodal. I dacha ap o kheer o čilačestar dal tou khetne. Oun leskro kheer rissral trouyel bis ap i telstoune barra.

Johanni 5:22

O dad rakrell pral kekeste i phagi vin. Kova das lo an peskro čaveskro vast, te vell leskro čavo o čačepaskro ray pral lauterende,

Debleskro tsiro 14:20

Vin glan o foro van kol drake an koy bari piri stakedo. Oun o rat nashas koy vin, yaake boud, te djas o rat o grayenge pash lengre mouya, oun nashas triin-sheel (300) kilometarya dour.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.