Debleskri gili 109:23 - O Debleskro Lab 2024 (Sinte-Manouche)

²³ Miro djipen nashella mandar yaake har o dives, te vell i rat. Oun me vau krik phourdedo har i stepaskro.

O Debleskro Drom 2021 (Sinte)

²³ Miro djipen nashella mandar jaake har o diwes, te well i rat. Un me wau krik phurdedo har i stepaskro.

Debleskri gili 109:23 ပူးပေါင်းရင်းမြစ်များ

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

Hiob 14:2

Har i blouma vell lo baro oun merell tele. Yaake har i shatto, hoy vell bouder gar diklo, te djal o kham tele, hi lo bouder gar.

Debleskri gili 102:12

Miro djipen djal peske har o dives, te vell i rat, har o khass, hoy tele merell an o kham.

Debleskri gili 144:4

Har i dourho hi lo. Leskro djipen djal trouyel har i souni.

2. Mose 10:13

Oun o Mose hadas peskro kasht pral o them Egiptia. Kote moukas o baro Devel ko tselo dives oun i tseli rat yek zorelo dourho pral o them te phourdell, hoy vas katar, kay o kham pre djal. Oun taysarlakro phourdas ko dourho i stepangre an o them.

2. Mose 10:19

Oun o baro Devel kras, te phourdas ko baro dourho kanna zoreles katar, kay o kham tele djal. Oun ko dourho hadas i stepangre pre oun vitsras len an o baro pani, hoy kharella Baro Lolo Pani. An o tselo them Egiptia ačas kek stepaskro pral.

Sikepaskro 6:12

Kek djinella, hoy o mensheske mishto hi an peskro djipen, hoy yaake tikno hi. Kava dives hi lo koy oun o vavar dives bouder gar. Oun koon nay penell o mensheske, hoy pal leste vella ap kay phoub?

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.