Debleskri gili 109:13 - O Debleskro Lab 2024 (Sinte-Manouche)

¹³ Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

O Debleskro Drom 2021 (Sinte)

¹³ Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Debleskri gili 109:13 ပူးပေါင်းရင်းမြစ်များ

1. Rajengro liil 16:11

Oun yaake sik har yob o baro ray vas, moukas lo i tsele morshen oun morsh čaven dran i familya Baasha te marell. Kekes lendar moukas lo djido, ninna leskre malen oun vavaren leskre menshendar moukas lo te marell.

Hiob 18:17

Kek ap i tseli phoub djinell gomme, koon yob his. Pash hakeneste vell lo bistedo.

Hiob 18:19

Leske ačell kek čavo, vitar kek čavengro čavo mank peskre menshende. Kote, kay djivas lo, ačell kek lendar djido.

Debleskri gili 21:10

Tou rhačreh len har an i bobeskri yag, an ko tsiro, kay tou moukeh tout te dikell. Tiri rholi rhačrell har i yag, oun rhal len pre.

Debleskri gili 21:11

Kek lengre čavendar ačenn djido, gar yek lendar ačell ap kay phoub.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Jeremia 22:30

Kova penell o baro Devel: An ko liil, kay o bare rayengre laba dren činlo venna, činenn kava morsheskro lab yaake, har te vals yob kek čaventsa, oun koleske či mishto djas an peskro tselo djipen. Kek leskre čavendar vell baro ray pral o them Youda oun beshdo ap o Davideskri beshepaskri.

4. Mose 27:4

Hoske hounte djal maro dadeskro lab tele doleske, kay les kek morsh čave hi? De men ninna i kotar them an o them kol phralendar maro dadestar!”

5. Mose 25:19

Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 9:14

Ma rike man pale, te anap miri bari rholi pral lende, oun dap len moulo, te vell lengro lab bistedo. Tire čavendar krau me i natsyona, hoy hi zorleder oun bareder har kaya.”

1. Samuel 3:13

Yob djinas, har peskre čave savo koova kran, hoy ladj ap mande anas. Oun yob moukas len kova te krell. Doleske dau me leskro kheer peskri phagi, hoy ačella hako tsiro ap leste. Kova penom leske glan i tsiro.