Debleskri gili 107:40 - O Debleskro Lab 2024 (Sinte-Manouche)

⁴⁰ Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

O Debleskro Drom 2021 (Sinte)

⁴⁰ Koi mukas lo ladj ap lengre raja te perell, un jon hunte nashan an o mulo them trujel, kote kai kek drom hi.

Debleskri gili 107:40 ပူးပေါင်းရင်းမြစ်များ

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

Hiob 12:21

Bari ladj anell lo ap i an-dikle pralstunende. Oun i zorelendar lell lo lengro kourepaskro koova krik.

Hiob 12:24

Yob krell, te venn lengre raya dinelo, oun krell, te nashenn le trouyel kote, kay kek drom hi.

Debleskri gili 107:4

Mank lende his save menshe, kay his nashedo an o moulo tato them. Kek drom hatsan le, vitar kek foro, kay menshe djivenna.

Debleskri gili 78:66

Oun yob das kolen, kay kouran pen peskre menshentsa oun tradas len pale. Lengri ladj ačas hako tsireske ap lende.

2. Mose 8:17

Te moukeh tou mire menshen gar te djal, palle moukau me vavar matsille te vell, hoy čourye denn. Yon venna pral toute oun tire pralstunende oun tire tsele menshende. T'mare khera venna pherdo matsille, hoy čourye denn. Ninna i phoub, kay i Egiptarya djivenna, vella pherdo lendar.

2. Mose 8:24

Kote penas o Farao: “Me moukau t'men te djal, te nay marenn firhen leske an o moulo tato them. Ma djan yaake dour krik! Oun mangenn t'maro Debles mange!”

2. Mose 8:3

Koy van i dourkepangre oun kran pengri zoryah ninna yaake, oun moukan ninna djambe pral o them Egiptia te vell.

2. Mose 8:4

Kote moukas o Farao o Moses oun o Arones pash peste gole te dell oun penas: “Mangenn o baro Debles, te lell lo i djambe mandar oun mire menshendar krik! Palle moukau i Israelitaryen te djal, te nay denn le o baro Debleske firhen temerl.”

Daniel 4:33

Ap kava emligo tsiro vom pale sasto an miro shero. Oun man vas miro raylepen oun barepen pale dino, oun miro bravlepen oun miro them van sharedo. Oun i pralstoune oun kol morshen, kay boud penepaske his, van pash mande, oun čivan man pale pral miro them dren. Oun miri rayeskri zoor vas gomme bareder.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

5. Mose 32:10

Yob hatsas i Israelitaryen an o moulo them, kote kay či bares vell. Oun yob rikras peskre vasta pral lende, oun das kote yak ap lende, yaake har yob ap peste kokres yak dals.

Debleskro tsiro 19:18

oun rhan o mass kolendar lauterendar, kay venn maredo: i bare raya, i pralstoune, i lourde, i graya oun kolla, kay pre beshdo hi, i raya oun pengre boudepangre, i bare oun i tikne.”

Čačepangre 4:21

O Sisera his khino oun sovas sik dren. Oun i Yael, o Hebereskri romni, las i sasterno depaskro oun i tikno saster, koleha o plarhteno kheer an i phoub pandlo vell, oun djas čorrhanes pale pale pash leste dren oun das leske ko tikno saster an leskro shero yaake dour, te djas lo ap i vavar rig pale vin, oun an i phoub dren. Yaake meras o Sisera kote.

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.

1. Samuel 6:4

Oun yon poučan: “Hoy hi kova hoy mer hounte das leste, te vell lauter pale mishto?” Yon penan: “Panč raya hi an o them Filistia. Len oun t'men hi o emligo nasslepen. Doleske krenn panč sonakangre figure, hoy vin dikenn har o doukepen, hoy ap t'maro mass vas, ninna panč sonakangre figure, hoy vin dikenn har kol kermuse, kay rhan t'maro them pre. Denn kolen o Israeleskro Debleste. Yaake sikrenn t'mer leste, te djinenn, har baro yob hi. Nay vell, te lell lo peskro vast t'mendar pale, ninna t'mare deblendar oun t'maro themestar.