Debleskri gili 107:39 - O Debleskro Lab 2024 (Sinte-Manouche)

³⁹ Pale van le tikno rikedo, oun i bibarht his zoreles ap lende. Oun yon van tikno oun tikneder.

O Debleskro Drom 2021 (Sinte)

³⁹ Pale wan le tikno rikedo, un i bibacht his soreles ap lende. Un jon wan tikno un tikneder.

Debleskri gili 107:39 ပူးပေါင်းရင်းမြစ်များ

1. Mose 45:11

Oun me dau tout halauter, hoy tout hounte vell djipaske. Yaake te vess gar čorvelo, tou oun tiri familya oun lauter hoy tout hi. Panč bersha hi glan mende, kay hi i menshen či te rhal.

2. Rajengro liil 10:32

An ko tsiro, kay o Yehou baro ray his, činas o baro Devel kotya dran o Israeleskro them vin: O baro ray Hasael dran o them Syria las len ko them krik, hoy čačes o panyestar Yordan hi, bis pash o foro Aroer pash o pani Arnon. Kova his o them Gilead oun o them Bashan. Kote djivan i menshe dran i bare familye Gad, Ruben oun Manasse.

2. Rajengro liil 13:22

O baro ray pral o them Syria, o Hasael, phagas pale te pale an o them Israel dren an ko tselo tsiro, kay o Yoakaz djivas.

2. Rajengro liil 13:7

Yaake ačan o rayeske Yoakaz kek lourde pral, har kokres 50 (paash-sheel) klissepangre, deesh kourepangre vourdya oun 10.000 (deesh-zerya) pirengre lourde; Kol tsele vavar maras o baro ray pral o them Syria oun kras, te van le har i phoubyakri čik ap o drom.

2. Rajengro liil 14:26

Doleske bičras o baro Devel lenge o Yerobeames, har dikas lo koy bari bibarht, hoy ap o Israel čiddo his, oun kek, čačepah, kek koy his, kay lenge ap i rig vas. O baro Devel penas gar, kay kamell lo i Israelitaryen krik te lell i phoubyatar. Doleske las lo len vin dran lengri bari bibarht, oun bičras lenge o Yerobeames, koleskro dad o Yoash his.

2. Rajengro liil 4:8

His i dives, kay djas o Elisa an o gab Shounem. Koy his i braveli djouvel. Koya mangas lestar, te rhal yob pash late. Oun hako kopo, har vas yob an ko gab, djas yob pash late oun rhas koy.

2. Rajengro liil 8:3

Har kol efta bersha trouyel his, vas koy djouvel dran o them Filistia pale pale an peskro them, djas pash o baro rayeste, te lell yoy peskro kheer oun kotar them pale.

Hiob 12:23

Yob krell, te venn i natsyone baro, oun ninna, te venn le pale tikno. Oun yob dell i menshen i baro them, oun tradell len pale kote vin.