Debleskri gili 107:34 - O Debleskro Lab 2024 (Sinte-Manouche)

³⁴ Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

O Debleskro Drom 2021 (Sinte)

³⁴ Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Debleskri gili 107:34 ပူးပေါင်းရင်းမြစ်များ

1. Mose 13:10

O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

1. Mose 13:13

Kol menshe an Sodom his čilačo oun djivan an baro čilačepen glan o baro Debleste.

1. Mose 14:3

Kol panč raya kran vin, te rikrenn yon khetne oun van an i tala Siddim. Kova hi kanna o Londo Baro Pani.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

Debleskri gili 68:7

Kolen, kay kokres hi, anell lo khere, kolen, kay stilde hi, lell lo vin dran o stilepen, te djal lenge pale mishto. Hi vavarčandes kolentsa, kay kamenn či lestar te djinell: Kolla hounte ačenn an o moulo them.

Jeremia 12:4

I rah tsiro hi kava them kek brishineha, oun ko tselo zenlepen meras tele. I firhe oun i čirkle meran. Kova lauter vas dran o čilačepen kol menshendar, kay kate djivenn. Yon penenna: O Devel dikell gar, hoy krah.

Jeremia 5:25

T'mari doosh, hoy ap t'mende anan, oun ko čilačepen, hoy krenna, rikras ko lačepen t'mendar pale, yaake te van phare tsirya ap t'mende.

Ezekiel 12:19

Oun pen ap i Israelitarya, kay hi pash toute an kava them: Kava penell o baro Devel, maro ray, pral kolende, kay djivenn an o foro Yerusalem an o them Israel: Boud čilačo koova krenn le: Yek rikrell o vavares tele. Doleske vell ko dives, kay rhan le pengro maro daryah, oun piyenn pengro pani trisslepah i trashatar. Lengro them vell i mouklo them, kay či ačell.

Ezekiel 47:11

Kokres kote, kay o pani tardo hi, oun gar nashell, ačell o pani londo, oun lestar lenn le loon.