Debleskri gili 107:22 - O Debleskro Lab 2024 (Sinte-Manouche)

²² Ninna hounte anenn le leske shoukar koova, te parkrenn le pen pash leste. Oun i barhtelo djiyeha hounte rakrenn le kolestar, hoy yob lenge kras.

O Debleskro Drom 2021 (Sinte)

²² Ninna hunte anenn le leske shukar koowa, te parkrenn le pen pash leste. Un i bachtelo djijeha hunte rakrenn le kolestar, hoi job lenge kras.

Debleskri gili 107:22 ပူးပေါင်းရင်းမြစ်များ

Debleskri gili 116:12

Har nay krau me kova pale mishto miro baro Debleske, hoy yob lauter mange kras?

Debleskri gili 116:17

Pash toute kamau me man te parkrell, oun tout an-mangell.

Debleskri gili 118:17

Me merau gar. Na-a, ačau djido, oun penau i menshenge, hoy o baro Devel lauter kras.

Debleskri gili 27:6

Oun kanna hadell pes miro shero pre pral kolende, kay troul mande hi oun mange čilačepen kamenn, O baro Debleske kamau me firhen te rhačrell, oun dau gole i barhtyatar oun parkrau man pash leste an leskro kheer; i gipah oun bashepah sharau les.

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

Debleskri gili 9:11

Doleske rikrenn kolla ap toute, kay tiro lab prindjrenna. Koon tout, o baro Debles, rodella, koles moukeh tou gar kokres.

Debleskri gili 9:15

Palle djau an i voudya tiro forestar Sion dren, oun rakrau lauterentsa pral ko lačepen, hoy tou ap mande kral, oun sharau tout i barhtelo djiyeha, kay tou man dran i bibarht vin lal.

Jesaja 12:4

Oun ap ko tsiro denn t'mer gole: Parkrenn t'men pash o baro Debleste! Denn ap leste gole, te vell lo ap t'mari rig! Penenn i menshenge an i tsele themma, hoy lo kras. Penenn hakeneske te hi leskro lab bareder har hako vavar lab!

3. Mose 7:12

Te anell yek les, te kamell lo pes pash o baro Debleste te parkrell, palle hounte anell lo ninna merklia kerdo djeteha, an kolende kek shoutlo yarro hi, oun sane mare an kolende kek shoutlo yarro hi, kay djet pral maklo vas, ninna merklia kerdo dran lačo djob oun djet.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.