Debleskri gili 107:2 - O Debleskro Lab 2024 (Sinte-Manouche)

² Kova te penenn i vi-line menshe, kolen o baro Devel vin las dran i vasta kolendar, kay len pandan.

O Debleskro Drom 2021 (Sinte)

² Kowa te penenn i wi-line menshe, kolen o baro Dewel win las dran i wasta kolendar, kai len pandan.

Debleskri gili 107:2 ပူးပေါင်းရင်းမြစ်များ

Debleskri gili 106:10

Yaake las lo len vin dran i vasta kolendar, kay kaman len te marell.

Debleskri gili 130:8

Ava, yob lell o kheer Israel vin dran leskri tseli doosh.

Debleskri gili 31:5

Tserde man dran koy netsa vin, hoy kran le, te perap dren. Tou hal o zorelo, kay ap miri rig hi.

2. Mose 15:16

I trashatar his le har bango. Tiri zoryatar van le har barra, har tou moukal tire menshen glan lende vin te djal, tire menshen, kay tou touke vin rodal, baro Devel.

Jesaja 35:9

Kek levo hi kote; vitar kek vavar firho, hoy vavar firhen rhal, djal ap ko drom; save firhe venn gar kote hatslo. Ap kava drom djan kokres save menshe, kolen o baro Devel vin las dran o pandepen.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 62:12

Oun yon venn kharedo Debleskre menshe oun vi-ginle o baro Deblestar. Oun tout denn le gole o foro, hoy o Devel kamell oun o foro, hoy bouder gar mouklo hi.

Jesaja 63:4

An miro dji vas o dives, kay dau hakenes pale, hoy lo kras. Oun ko bersh vas, kay lau mire menshen dran o čilačepen vin.

Jeremia 15:21

ava, dran i vasta kolendar, kay čilačo ap toute hi, oun kay djan zoryah ap toute pre.

Jeremia 31:11

O baro Devel lell o Yakobeskre čaven vin dran o vast o zorelestar.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Louka 1:68

“Sharas o baro Debles! Yob hi o Israeleskro Devel! Yob vas pash mende, oun las men dran mari bibarht vin.

Louka 1:74

te lell lo men dran i čilače vasta vin, te boudrah nay leske, oun trashah bouder gar,

Louka 24:21

Mer patsam, kay o Devel bičras les, te lell yob i Israeleskre menshen dran i Remaryengre vasta vin. Kova djas lauter glan triin divessa.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

5. Mose 15:15

Oun tou bistress gar, te hals i boudepaskro an o them Egiptia, oun tiro baro Devel las tout kote vin. Doleske penau me touke kova kava dives.

5. Mose 7:8

Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.