Debleskri gili 106:6 - O Debleskro Lab 2024 (Sinte-Manouche)

⁶ Mer anam doosh ap mende yaake har mare phoure, oun kram gar, hoy čačo hi. Na-a, mer kram čilačo koova.

O Debleskro Drom 2021 (Sinte)

⁶ Mer anam doosh ap mende jaake har mare phure, un kram gar, hoi tchatcho hi. Na-a, mer kram tchilatcho koowa.

Debleskri gili 106:6 ပူးပေါင်းရင်းမြစ်များ

1. Rajengro liil 8:47

Oun te lenn tire menshe les penge ap o dji an ko vavar them, kay yon pandle hi, oun yon kamenn pale tiro drom te djal oun mangenn pen tele glan toute oun penenna: “Mer anam doosh ap mende oun kram čilačepen oun moukam tiro drom.”

Esra 9:10

Oun kanna, maro Devel, hoy te penas pal kava tselo koova? Mer djivam gar pal tire laba,

Nehemia 1:7

Čilačo koova kram ap toute, har shounam gar ap tire laba, hoy tou penal ap o Mose, koles tiro vast his. Oun kram gar, hoy tou mendar kamal oun djivam gar pal tiro čačepen.

Nehemia 9:16

Oun mare phoure hadan pen oun djan pal pengro shero, kran pengre djia har bar, oun shounan gar ap tire laba.

Debleskri gili 78:8

yaake te venn le gar har pengre phoure, kay o Debleskro dromestar tele peran, oun kaman gar te shounell. Kolengre djia his gar zorelo, oun yon his gar pengro tselo djiyeha pash o Debleste.

Jeremia 14:20

Baro Devel, mer dikah dren, kay djivam gar touha, oun mare phoure čilačepen kran. Mer lam doosh ap mende glan toute.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

3. Mose 26:40

Palle penenn yon, te his lengri doosh oun i doosh lengre phourendar, te rikran le gar ap mande oun sikran mange o doumo.

4. Mose 32:14

Oun kanna krenn t'mer ko emligo koova! T'mer han čače čave t'mare dadendar! Morsha, kay o Debleskro drom tele djan oun krenn, te vell o baro Debleskri rholi pral Israel bareder.

Mateo 23:32

Ava, krenn kova doureder yaake, har t'mare phoure kran!