Debleskri gili 106:43 - O Debleskro Lab 2024 (Sinte-Manouche)

⁴³ Boud kope las lo len dran lengre vasta vin. Oun pale te pale kran le kova, hoy rhoyras les, oun moukan gar tele pengro čilačo koova, oun van boud oun boudeder koy dren.

O Debleskro Drom 2021 (Sinte)

⁴³ Bud kope las lo len dran lengre wasta win. Un pale te pale kran le kowa, hoi choiras les, un mukan gar tele pengro tchilatcho koowa, un wan bud un budeder koi dren.

Debleskri gili 106:43 ပူးပေါင်းရင်းမြစ်များ

Debleskri gili 1:1

Barhtelo hi kova, kay shounell gar ap kova, hoy i čilače penenna, Barhtelo hi kova, kay djal gar kolentsa, kay moukan o Debleskro drom. Barhtelo hi kova, kay beshell gar pash kolende, kay sanenn pral o Debleste.

Debleskri gili 106:29

O baro Debles tapras i bari rholi pral kova, hoy peskre menshe kran. Oun yob moukas i pharo nasslepen pral lende te vell.

Debleskri gili 107:11

Yon shounan gar ap o Debleste, kay hi o Devel pral halauter, oun čivan leskre laba ap i rig.

Debleskri gili 81:12

Mire menshe shounan gar ap mande. O Israel kamas man gar.

Čačepangre 10:12

i Sidonarya, i Amalekarya oun i Maonarya? Oun har t'mer ap mande gole dan, lom me t'men dran lengre vasta vin.

Čačepangre 5:8

Mire menshe rodan penge vavar debla! Kote vas o kourepen glan lengre voudya. Oun pash 40.000 (star-deesh-zerya) morsha an Israel vas kek rharo hatslo, vitar kek shilto.

Čačepangre 6:6

Oun yaake anan i Midianarya o Israel an o čorvlepen. Oun i Israelitarya dan gole ap o baro Debleste, oun mangan les, te vell lo ap lengri rig.

1. Samuel 13:19

An ko tsiro his kek morsh an o tselo them Israel, kay hayvas mishto sasterne koola te krell. I Filistarya daran, te krenn pen i Israelitarya rhare oun vitsepaskre čourya. Doleske moukan le kekes, kay kova hayvas, peskri boudi te krell.