Debleskri gili 106:28 - O Debleskro Lab 2024 (Sinte-Manouche)

²⁸ Pal i tsiro vitsran pen i Israelitarya glan kol vavarengro debleste Baal tele ap i berga Peor, oun rhan ko mass kol firhendar, hoy van maredo i moulenge.

O Debleskro Drom 2021 (Sinte)

²⁸ Pal i tsiro witsran pen i Israelitarja glan kol wawarengro debleste Baal tele ap i berga Peor, un chan ko mass kol viechendar, hoi wan maredo i mulenge.

Debleskri gili 106:28 ပူးပေါင်းရင်းမြစ်များ

2. Mose 34:15

Ma avenn mala kol vavar menshenge an o them! Yon mangenn pengre deblen dran kasht oun bar an, oun marenn firhen lenge. Te vans t'mer lengre mala, nay djals, te djan lentsa oun rhan ko rhapen, hoy yon anan lengre deblen.

Hosea 9:10

O baro Devel penell: I Israelitarya his mange har drake an o moulo them, har hatsom len kote. Oun t'mare phoure his mange har neve fayge ap i faygetikro rouk. I tsiro koy pre, har van le pash i berga Peor, dan le pen o vi-ladjedo debleske Baal koy, oun van yaake pale-čiddo har ko devel, kones yon kaman.

4. Mose 25:5

Oun o Mose penas ap kol Israeleskre čačepangre: “Denn moulo hakeno peskre menshen, kay nashan o Baal-Peor palla!”

4. Mose 31:16

Ma bistrenn, te his kol djouvya, kay kran, hoy o Bileam lenge penas, oun tserdan i Israelitaryen o baro Deblestar krik, yaake te nashan le o rhorheno debles Baal-Peor palla. Doleske vas ko baro nasslepen ap o Debleskre menshende.

5. Mose 32:17

Yon anan firhen save deblenge, kay kek debla hi. Kolen prindjran yon glan kova gar. Kolla van neves pre. I phoure mangan len gar an.

5. Mose 4:3

T'mare yaka dikan, hoy o baro Devel kras pash i berga Baal-Peor. Hakenes, kay o rhorheno debles Baal an-mangas, maras t'maro baro Devel mashkral t'mende.

Josua 22:17

Hi men gomme gar doha doosh ap mende, hoy lam ap mende, har hams pash i berga Peor. Koy doosh hi bis kava dives ap mende čiddo, oun doleske vas i bari phagi pral mende, o baro Debleskre menshende.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.