Debleskri gili 105:8 - O Debleskro Lab 2024 (Sinte-Manouche)

⁸ An kek tsiro bistrell lo peskri sovel, hoy lo mentsa dren djas. Peskro lab, hoy das lo, ačella yaake rah har menshe ap i phoub djivenna.

O Debleskro Drom 2021 (Sinte)

⁸ An kek tsiro bistrell lo peskri sowel, hoi lo mentsa dren djas. Peskro lab, hoi das lo, atchella jaake rah har menshe ap i phub djiwenna.

Debleskri gili 105:8 ပူးပေါင်းရင်းမြစ်များ

1. Mose 17:7

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

1. Mose 26:3

Ač i tsiro an kava them. Me hom pash toute, te čivap miri zoor oun miri barht ap toute. Kalla tsele themma dau me tout oun tire čaven, kay pal toute venna. Me rikrau miro lab, hoy dom tiro dadeste Abraham, oun kay dom miro vast koy pre.

1. Familjakro liil 16:15

Ma bistrenn, hoy yob mentsa vin kras! Leskro lab, hoy das lo, ačella yaake rah har menshe ap i phoub djivenna.

Nehemia 1:5

oun penom: “Ah, baro Devel, tou hal o Devel an o bolepen, oun hal baro oun yaake zorelo, te daras hounte toutar. Tou rikreh koy sovel, hoy tou mentsa kral, oun dikeh lačes ap kolende, kay kamenn tout o djiyestar oun shounenn ap tire laba.

Debleskri gili 105:42

Yob bistras gar peskro Debleskro lab, hoy das lo peskro boudepaskres, o Abraham.

Debleskri gili 106:45

palle vas an leskro shero, hoy kras lo lentsa vin, te hi lo lengro Devel. Oun an peskro baro lačepen khaytan le les.

Debleskri gili 111:5

Rhapen dell lo kolen, kay djivenn leha. An kek tsiro bistrell lo ko lab, hoy das lo lengre phourende.

Debleskri gili 111:9

O baro Devel las peskre menshen vin dran i čilače vasta, oun kras lentsa vin, te venn le leskre menshe hako tsiro. Yob kokres hi lengro Devel. Baro hi lo!

2. Mose 2:24

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe.

Jeremia 11:5

Palle rikrap nay koy sovel dren, hoy dom len, oun dap len ko them, kay thoud oun gvin nashenna, yaake har kova kay dives hi. Me penom: Ava, baro Devel, yaake hi kova.

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

5. Mose 7:12

Te shounenn t'mer leskro čačepen, oun rikrenn t'men ap leskre laba, oun djivenn pal lende, palle rikrell t'maro baro Devel, hoy lo t'mare phourentsa vin kras, oun peskro vast pre das, oun vell t'menge lačes.

5. Mose 7:8

Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

5. Mose 7:9

Djinenn: t'maro baro Devel hi kokres o čačo Devel. Yob rikrell peskro lab, oun hoy lo t'mentsa vin kras. Lačepen oun kamlepen dell lo kolende, hoy les o djiyestar kamenn oun krenn, hoy lo penell. Ninna lengre čavenge, kay pal lende venna, hi lo lačo, yaake rah har seri familye yek pal i vavar djivenn.

Josua 21:43

Oun yaake das o baro Devel i Israelende o tselo them, har das lo pes glan lengre phourende sovel, te krell lo kova. Oun yon lan o them penge dren oun djivan koy.