Debleskri gili 105:41 - O Debleskro Lab 2024 (Sinte-Manouche)

⁴¹ Yob phagas i baro bar, oun pani nashas vin, oun nashas an o moulo them har i lengsto baro pani.

O Debleskro Drom 2021 (Sinte)

⁴¹ Job phagas i baro bar, un pani nashas win, un nashas an o mulo them har i lengsto baro pani.

Debleskri gili 105:41 ပူးပေါင်းရင်းမြစ်များ

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Debleskri gili 114:8

Yob hi kova, kay kras pani dran i baro bar, oun moukas dran barra tikne panya te nashell.

Debleskri gili 78:20

Kova hi čačo: Yob phagas o baro bar, oun boud pani vas vin oun nashas tele kate te kote pral o them. Nay dell lo men ninna maro? Hayvell lo peskre menshenge mass te anell?”

2. Mose 17:6

Oun me čivau man glan toute tardo ap o baro bar pash i berga Horeb. Oun palle dess tou ap o baro bar, oun dran leste nashella pani, yaake te vell len te piyell.” Oun o Mose kras kova yaake glan i yaka kol phourendar.

Jesaja 48:21

O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

4. Mose 20:11

Oun o Mose hadas peskro vast, oun das ko lengsto kashteha douy kope ap ko baro bar. Koy vas yaake boud pani dran vin, kay piyan i tsele menshe oun lengre firhe.

1. Korintarja 10:4

Oun yon piyan lauter ko yek pipen, kay vas o Deblestar. Yon piyan ko pani, kay vas dran i baro bar vin, kay lentsa djas. Ko bar his o Yezous Kristo.