Debleskri gili 104:3 - O Debleskro Lab 2024 (Sinte-Manouche)

³ oun kral touke i kheer pral i panya. Tou oulereh ap i volke har ap i vourdin, oun i vinta hidjreh tout.

O Debleskro Drom 2021 (Sinte)

³ un kral tuke i kheer pral i panja. Tu ulereh ap i wolke har ap i wurdin, un i winta hidjreh tut.

Debleskri gili 104:3 ပူးပေါင်းရင်းမြစ်များ

2. Samuel 22:11

Oun yob beshas ap i keroub oun hadas pes har i čirklo; ava, yob moukas pes te hidjrell ap i moussya o dourhestar.

Debleskri gili 139:9

Te hadoms man har i čirklo oun djoms kote, kay o kham pre-djala, oun moukoms man tele pal o baro pani, kay o kham tele djal,

Debleskri gili 148:4

Tou, o pralstouno bolepen, share les! Tou, o pani, hoy pral o bolepen hi, share les!

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Amos 9:6

Yob hi kova, kay krell peskro kheer an o bolepen, oun čivell peskro bolepaskro kheer pral i phoub. Yob dell o pani vin gole dran o baro pani, oun čorell les ap i phoub. Leskro lab hi baro Devel.

Nahum 1:3

O baro Devel vell gar sik rhoyedo. Les hi bari zoor, oun čačepah, hakeneste, kay doosh ap peste anas, dell yob peskri phagi. Kote, kay o baro Devel djal, phourdell i zorelo dourho. Oun i volke hi har koy čik, hoy leskre pire pre vitsrenn.

Mateo 26:64

Penas o Yezous: “Ava, hi yaake, har tou penal. Oun kanna penau t'menge: Ko tsiro vell sik, kay dikenn t'mer o Menshengro Čaves, har hi lo beshdo ap i čači rig o zorelo Deblestar, oun har vell lo ap i volke dran o bolepen.”

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

Debleskro tsiro 1:7

Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.