Debleskri gili 104:29 - O Debleskro Lab 2024 (Sinte-Manouche)

²⁹ Tou te djah lendar krik, taprell len i daar. Tou te leh lendar o dourho, merenn le, oun venn pale čik.

O Debleskro Drom 2021 (Sinte)

²⁹ Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 104:29 ပူးပေါင်းရင်းမြစ်များ

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

Hiob 10:9

Ma biste, te kral man dran čik. Kameh tou kanna, te vap pale čik?

Hiob 13:24

Hoske khatreh tou tiro mouy glan mande? Hoske rikreh man yekeske, kay kamell touke čilačepen te krell?

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Debleskri gili 146:4

O menshengro djipen ačell gar. Oun yob vell pale čik i phoubyatar. Ko dives, kay merell lo, djala lauter nashedo, hoy yob peske glan las.

Debleskri gili 30:7

Har mange mishto djas, penom: “Či nay vell, hoy nay krell mange čomone.”

Debleskri gili 90:3

Tou penell menge: “Avenn pale, t'mer menshe!” Oun moukeh men pale čik te vell.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Bičepangre 17:25

Mer hounte anas les či te rhal oun te piyell. Yob das lauteren o djipen, oun yob dell len lauter kova, hoy len hounte vell djipaske.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.