Debleskri gili 104:15 - O Debleskro Lab 2024 (Sinte-Manouche)

¹⁵ i mool, hoy o mensheskro dji barhteles krella, o djet, hoy leskro mouy shoukar krella, oun o maro, hoy o menshes zoreles krella.

O Debleskro Drom 2021 (Sinte)

¹⁵ i mool, hoi o mensheskro dji bachteles krella, o djet, hoi leskro mui shukar krella, un o maro, hoi o menshes soreles krella.

Debleskri gili 104:15 ပူးပေါင်းရင်းမြစ်များ

1. Mose 18:5

Me lau t'menge maro, te venn pale zoreles. Pal kova nashte djan doureder, har t'mer kamenna. Yaake van gar čičeske pash mande.” Oun yon penan: “Kre yaake, har tou penal!”

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

Debleskri gili 105:16

Oun yob moukas i bari bok an o them te vell, te das bouder kek maro.

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Debleskri gili 92:10

Mer djinah, lauter, kay tout čilačepen kamenn, hounte merenn. Oun lauter, kay čilačo koova krenna, venn krik tradedo.

Gosewe laba 31:6

Denn zorelo pipen kolenge, kay ap o merepen čiddo hi, oun mool kolenge, kay lenge ropaske hi.

Gosewe laba 31:7

Save nay piyenna, te nay bistrenn le pengri bibarht oun kova, hoy lengre djia doukrell.

Sikepaskro 10:19

Kones rhapen hi, nay sal. Koon mool piyell, nay givell. I loventsa nay vell tout kova halauter.

Sikepaskro 8:1

Kay hi ko mensho, kay hi čačepah gosevo? Kay hi kova, kay hayvell te penell, hoske čomone yaake hi har kova hi? Dik i menshes an i yaka, palle nay peneh, hi lo gosevo oder gar. Te hi lo gosevo, palle dikell lo lačes ap i vavareste. Leskro gosvepen lell leskri rholi krik.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

Jesaja 3:1

O baro Devel, ko ray pral o bolepen oun i phoub, lell dran o foro Yerusalem oun dran o them Youda lauter krik, ap koleste i menshe pen rikran oun hoy len zoor das. O tselo maro oun o tselo pani lell lo lendar krik.

Jesaja 55:10

O brishin oun o gib perenn tele dran o bolepen, oun djan gar bouder kote pale. Yon krenn i phoub sapeno, te djal latar zenlepen oun djob vin, yaake te vell i menshen maro te rhal, oun djob, hoy nay vitsrenn le an i phoub o vavar bersh.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Ezekiel 14:13

Tou, mensho, djiness, te phagenn i menshe an yek them mantsa, oun rikrenn bouder gar ap mande, dau me len i phagi. Oun krau, te hi len bouder gar doha maro. Oun bičrau i bok an o them, te merenn i menshe oun i firhe i bokatar.

Ezekiel 4:16

Oun yob penas pale ap mande: Tou, mensho, me krau, te vell bouder gar doha maro an o foro Yerusalem. Palle hi hakenes kokres i tikno kotar maro, oun nay piyell kokres i tikno khoro pani. Oun yon lenn daar, te hounte merans le i bokatar.

Ezekiel 5:16

Te bičrau i bok mank t'mende, hi kova yaake har te doms čilače fayle karye mank t'mende, te marap t'men. An ko tsiro vell t'men bouder gar doha te rhal. Oun i bok vell baro oun bareder mank t'mende.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Zakarie 10:7

Oun i morsha dran o kheer Efrayim hi palle zorelo har bare kourepangre, oun barhtelo har kolla, kay piyan mool. Lengre čave dikenn kova oun denn gole i barhtyatar. Lengro dji givell dran kova, hoy o baro Devel kras.

Markus 14:23

Palle las lo o khoro, parkras pes pash o Debleste, das len o khoro, oun yon piyan halauter lestar.

Louka 7:46

Tou makal gar miro shero kouč djeteha dren. Yoy makas mire pire kouč djeteha dren.

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

5. Mose 28:40

Djeteskre rouka hi an t'maro tselo them. T'men vell kek djet. I tsele djeteskre drake perenn tele, glan te hi le pesse.

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

Hebrearja 1:9

O čačepen kamal tou, oun o čilačepen dikeh glan i yaka nay gar. Doleske rodas tout tiro Devel vin, te vess tou bareder oun barhtleder har kolla, kay pash toute hi.

1. Johanni 2:20

T'mer lan o Debleskro Dourho, oun lestar djinenn t'mer kova lauter.

Čačepangre 19:5

Oun ap o starto dives, stan le sik taysarlakro pre, te krenn le pen ap o drom. Kote penas o dad koy terni djouvyatar ap lakro romeste: “Rha gomme i kotar maro, te vess zorelo o dromeske, oun palle moukau t'men te djal.”

Čačepangre 9:13

Kote penas o drakengro rouk: Moukap me i drake, kolendar i mool kerdo vell, hoy i deblen oun i menshen barhteles krell, te djap koy, te hadap mire kashta pral i vavar rouka?

Čačepangre 9:9

Kote penas o djeteskro rouk: Moukap me miro thulepen, koleske i debla oun i menshe man sharenna, te djap koy, te hadap mire kashta pral i vavar rouka?