Debleskri gili 104:14 - O Debleskro Lab 2024 (Sinte-Manouche)

¹⁴ Tou moukeh i firhenge o khass bares te vell, oun djob oun zenlepen i menshenge. Yaake anell lenge i phoub lengro rhapen vin:

O Debleskro Drom 2021 (Sinte)

¹⁴ Tu mukeh i viechenge o khass bares te well, un djob un senlepen i menshenge. Jaake anell lenge i phub lengro chapen win:

Debleskri gili 104:14 ပူးပေါင်းရင်းမြစ်များ

1. Mose 2:5

Ap ko tsiro, har o baro Devel, maro ray, i phoub oun o bolepen kras, his kek rouka ap i phoub, vitar kek zenlepen. O baro Devel, maro ray, das kek brishin ap i phoub. Oun his kek mensho koy, kay boudras ap i phoub.

1. Mose 2:9

Oun o baro Devel, maro ray, moukas boud rouka baro te vell dran i phoub. Kolla his shoukar. Oun lengre roukengre his lačo rhapaske. Mashkral i baar his ko rouk tardo, kay della djipen, ninna ko rouk, kay della gosvepen, hoy hi lačo oun hoy hi čilačo.

1. Mose 3:18

Soubyengre bourra venn baro ap tiri harhetikri phoub oun tou rhah ko zenlepen, hoy vell koy pre baro.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

1. Mose 9:3

Halauter, hoy djivella, dau me t'mende, te rhan kova nashte. Me dau les t'men te rhal, yaake har dom t'men o zenlepen.

1. Rajengro liil 18:5

Oun o Ahab penas ap o Obadya: “Mer djas an o tselo them trouyel, pash hake panya, tikne oun lengste, oun rodas zenlepen, te nay ačenn i graya oun i maultikre bourike djido, oun kek firhe merenn hounte.”

Hiob 28:5

Pral ap i phoub vell djob baro. Oun tella an i phoub rissrenn le lauter trouyel, yaake te dikell kova vin har pal i yag.

Hiob 38:27

te lell o divyo them, kay či bares vas, pani, yaake te vell zenlepen vin.

Debleskri gili 136:25

Yob dell rhapen hake menshende oun firhende. Leskro lačepen ačella hako tsireske!

Gosewe laba 27:25

Anal o phouss dren oun o nevo zenlepen vell pale vin, oun lal khetne ko zenlepen ap i berge,

Joel 2:22

T'mer divye firhe, ma darenn! I phoub vell zenelo, oun i rouka hidjrenn pengre roukengre. Dell boud fayge oun drake.

1. Korintarja 3:7

Kova, kay o djob an i phoub vitsrella, hi gar bareder har kova, kay o pani pre čorella. O Devel hi bareder, kay moukell o djob bares te vell.

5. Mose 11:15

Oun me moukau o zenlepen ap tiri phoub pre te djal tire firhenge. T'men hi hako tsiro doha te rhal.