Debleskri gili 103:4 - O Debleskro Lab 2024 (Sinte-Manouche)

⁴ kova, kay man dran o merepen vin lella, kova, kay peskro lačepen oun kamlepen pral mande vin čorella,

O Debleskro Drom 2021 (Sinte)

⁴ kowa, kai man dran o merepen win lella, kowa, kai peskro latchepen un kamlepen pral mande win tchorella,

Debleskri gili 103:4 ပူးပေါင်းရင်းမြစ်များ

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

Debleskri gili 103:12

Koy rig, kay o kham pre djal, hi dour krik kolatar, kay lo tele djal. Yaake dour har kay yek rig hi koy vavaratar, yaake dour čivas yob mari doosh mendar krik.

Debleskri gili 21:3

Kova, hoy yob o djiyestar kamas, dal tou les, oun kova, hoy yob toutar mangas, rikral gar pale.

Debleskri gili 34:22

O čilačo merell dran peskro čilačepen. Oun kolla, kay kamenn čilačepen ap i lačende te anell, lenna pengri phagi.

Debleskri gili 5:12

Barhtele venn kolla, kay khatrenn pen pash toute! Kolla denn gole i barhtyatar o tselo tsiro. Tou rikreh tiro vast pral lende. Doleske sanenn oun givenn le – kolla, kay tiro lab kamenna.

Debleskri gili 56:13

Miro Devel, me dom man sovel, te parkrap man pash toute.

Debleskri gili 65:11

Koy harhetikri phoub deh tou doha te piyell, oun kreh i phoub sapeno, oun deh brishin, te vell lauter bares.

Debleskri gili 71:23

Tou lal miro djipen vin dran o merepen. Doleske dau gole i barhtyatar oun givau touke gilya.

Debleskri gili 8:5

palle poučau mandar: Hoy hi o mensho? Hoske vell lo touke an o shero? Hi lo touke yaake kouč, te veh ap leskri rig?

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

1. Petro 5:4

Oun ap ko dives, kay vell o pralstouno bakrengro, lenn t'mer leskro raylepen, hoy ačella hako tsireske.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.